Zuzenbide kooperatiboari buruzko jardunaldian izan ziren LKS Next eta MONDRAGON

IUS Cooperativum, GEZKI, UPV/EHU-ko Zuzenbide Fakultatea eta International Cooperative Alliance-ek antolatutako Foroa, kooperatiben arteko lankidetzaren printzipioari buruz hitz egiteko elkargune izan zen eta zuzenbide kooperatiboan interesa duten mundu osoko legelariak bildu zituen.

Kooperatiben arteko kooperazioari buruzko ikuspegi praktikoa eman zuten Oihana García eta Beñat Salaberriak, LKS Next Legaleko abokatuek, Itziar Villafañez-ek moderatutako saioan

Kooperatiben arteko kooperazioari buruzko ikuspegi praktikoa eman zuten Oihana García eta Beñat Salaberriak, LKS Next Legaleko abokatuek, Itziar Villafañez-ek moderatutako saioan. Zehazki, kooperatiben arteko kooperazio ekonomiko eta politikorako formulez, bai eta kooperatiben arteko bategiteaz aritu ziren.

Bestalde, Amaia Arregi (LKS Next Legal) eta Aitor Bengoetxea (UPV/EHU), "Kooperatiben arteko kooperazioari begirada euskal kooperatibismotik" deituriko mahai-inguruan aritu ziren moderatzaile moduan. Bertan parte hartu zuten Patxi Olabarria (Kooperatiben Kontseilua), Rosa Lavín (KONFEKOOP Confederación de Cooperativas de Euskadi), Iñigo Iñurrategi (MONDRAGON Corporation), Nekane Artola (Euskal Herriko Ikastolak) eta Beñat Irasuegik (OlatuKoop).