Irakurriena
- 1. Javier Amezaga, MONDRAGONen Ekipamendu Dibisioko zuzendari nagusi berria
- 2. MONDRAGON eta Mondragon Unibertsitatea Méxicok berrikuntza eta talentuaren garapenerako lankidetza indartu dute Latinoamerikan
- 3. Valentziako kaltetuei laguntzeko kanpainak zabalik jarraitzen du Eroskin
- 4. Pello Rodriguez lehendakariarekin batzartu da Lehendakaritzan
- 5. MONDRAGONek Finantza Foroa egin du
- 6. Matricik likidazio-fasea irekitzeko eskatu du
- 7. “Ilusioz beteta nago, MONDRAGON proiektu liluragarria da”
- 8. MONDRAGONen 2025-2028 Politika Sozioenpresariala aztergai, TU Lankide aldizkariaren azken alean
- 9. Zorionak mende erdiko bideagatik!
- 10. “Trumpen garaipen batek eta haren atzerakada protekzionistak, Europari eragingo liokete”
Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
Kongresuko Batzorde Iraunkorrak gaur egindako bilkuran berretsi egin du Vicente Atxa zuzendari nagusi izendatzeko Ezagutza Dibisioko organo errektorearen erabakia eta, aldi berean, MONDRAGONeko lehendakariorde izendatu du.
Ezagutza dibisioak ikastetxeak, unibertsitatea eta zentro teknologikoak integratzen ditu
Horrela, 2023ko uztailean MONDRAGONeko Kongresuan formalki eratu zen dibisioaren antolaketa egitura osatu da. Ezagutza dibisioak ikastetxeak, unibertsitatea eta zentro teknologikoak integratzen ditu. Dibisioak batzen dituen kooperatibak hauek dira: Arizmendi Ikastola, Lea Artibai Ikastetxea, Txorierri Politeknika, Mondragon Goi Eskola Politeknikoa, MU Enpresagintza, Huhezi, Mondragon Unibertsitatea, Ikerlan, Lortek, Leartiker eta MIK. Ezagutza dibisioan 2.000 pertsona inguruk lan egiten dute, eta 150 milioi euroko aurrekontu agregatua du eta Euskadi osoan banatutako 22 egoitza ditu.
Lehendakariorde berriak funtzio berri hau eta gaur egun Mondragon Unibertsitateko errektore gisa betetzen duena bateragarri egingo ditu.
Atxa, 58 urtekoa, elektronikako ingeniaria da Mondragon Unibertsitatean eta elektronikako eta komunikazioetako doktorea Staffordshire University unibertsitatean. Gaur egun Mondragon Unibertsitateko Errektorea da, eta aurretik Mondragon Goi Eskola Politeknikoko zuzendaria izan zen.
