Humanitate eta heziketa zientzien fakultatea
Irakaskuntza unibertsitate zentroa
Irakurriena
- 1. Javier Amezaga, MONDRAGONen Ekipamendu Dibisioko zuzendari nagusi berria
- 2. MONDRAGON eta Mondragon Unibertsitatea Méxicok berrikuntza eta talentuaren garapenerako lankidetza indartu dute Latinoamerikan
- 3. Valentziako kaltetuei laguntzeko kanpainak zabalik jarraitzen du Eroskin
- 4. Pello Rodriguez lehendakariarekin batzartu da Lehendakaritzan
- 5. MONDRAGONek Finantza Foroa egin du
- 6. Matricik likidazio-fasea irekitzeko eskatu du
- 7. “Ilusioz beteta nago, MONDRAGON proiektu liluragarria da”
- 8. MONDRAGONen 2025-2028 Politika Sozioenpresariala aztergai, TU Lankide aldizkariaren azken alean
- 9. Zorionak mende erdiko bideagatik!
- 10. “Trumpen garaipen batek eta haren atzerakada protekzionistak, Europari eragingo liokete”
VI. Kooperatibagintza Topaketak
"Kooperatiben gizarte eraldaketa ekinbidea berritzen" lelopean egingo dira aurtengo Kooperatibagintza Topaketak. Seigarren edizioan, azken urteetako egiturarekin jarraituz, mundu mailako esperientzia ezberdinak bertatik bertara ezagutzeko aukera izango da. Era berean, praktika berritzaileak ere ezagutzera emango dira, guztiak ere jardunaldietan parte-hartuko dutenentzat inspiratzaileak suertatuko direlakoan.
Mundu mailako esperientzia ezberdinak bertatik bertara ezagutzeko aukera izango da
Besteak beste, Patrick Duguayk emango dio hasiera jardunaldiari. Duguay, Quebec-eko Chantier de la Economie Sociale-ko arduraduna da. Kooperatibek garapen agente edo agentzia gisa egin dezaketen lanaren inguruko hausnarketa egingo du Duguayk. Gaur egun, Quebec-en 7.000 kooperatiba eta ekonomia sozialeko erakunde daude, sare batean integratuta.
Bigarren hizlaria Ana Moreno izango da, GIOS Taldeko koordinatzailea. Ana Moreno pertsonen motibazioan gizarte konpromisoak izan dezakeen garrantziaz arituko da, era berean, antolakuntza eredu berrietara abiatzeko gakoak ere aztertuko ditu.
Gure inguruko kooperatibak protagonista
Era berean, gure inguruko zenbait kooperatibak ere protagonismoa izango dute ekainaren 15eko jardunaldian. Gure kooperatibetan dauden ekinbide berritzaileak balioan jarriko dituzte, besteak beste, Fagor Ederlanek eta Eroskik. Gizarte eraldaketaren sistematizazioa aztertuko dute hurrenez hurren. Maier-ek, Fagor Taldeak, Azaro Fundazioak eta Fagor Automationek ere beraien esperientziak konpartituko dituzte.
Lanki ikertegia
Jardunaldia Mondragon Unibertsitateko Humanitate eta Hezkuntza Zientzien Fakultatean egingo da, Eskoriatzan. Ekainaren 15ean izango da hitzordua, goizeko 9etatik 14:00etara. Lanki, Mondragon Unibertsitateko kooperatibismoaren ikertegiak antolatu du eta MUren, Gipuzkoako Aldundiaren eta Eusko Jaurlaritzaren babesa du.
Humanitate eta heziketa zientzien fakultatea
Irakaskuntza unibertsitate zentroa
