Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Uztailean Tafallan izandako uholdeetan kaltetutakoek Eroskiren elkartasuna jasoko dute
![Card image cap](https://www.tulankide.com/eu/uztailean-tafallan-izandako-uholdeetan-kaltetutakoek-eroskiren-elkartasuna-jasoko-dute/@@images/b2e3a898-b91c-4678-8641-e06984a7b09f.jpeg)
Tafallako uholdeetan kalteak jasan dituztenei laguntzeko EROSKIk antolatutako kanpainan, 21.000 euro bildu dituzte. Bezeroek eman dute zati bat, eta EROSKIk ekarpen gehigarri bat egin du. Uztailaren 8an, erauntsiak jo zuen Tafalla, eta errekek gainezka egin zuten. Etxeak, errepideak eta lurrak urpean gelditu ziren, eta lagun bat hil egin zen. Garbiketaz arduratzen den taldea herria eta inguruak garbitzen aritu da, uneoro herritarren elkartasun izugarriarekin.
EROSKIren kanpaina martxan egon da uztailaren 16tik abuztuaren 3ra, Nafarroan dituen supermerkatu eta hipermerkatu guztietan. EROSKIren dendetan, kartelak egon dira jarrita kontsumitzaileei elkartasuna eskatzeko ordainlekuetatik igarotzeko orduan. Horrekin uholdeak eragin dituen kalteak arintzea da asmoa.
Bildutako dirua Nafarroako Gobernuak bideratuko du, eta osorik joango da uholde ikaragarri horretan kaltedun suertatu direnentzat.
“Gure bezeroen elkartasuna harrotzeko modukoa da, eta atsegin handia sentitzen dugu ikusita, beste behin, nolako konpromisoa duten gure bezeroek gehien behar duen jendearekin. Hori dela eta, EROSKIk eskerrak eman nahi ditu, lehenik, tafallarrentzat egindako elkartasun deian gure kontsumitzaileek emandako erantzunagatik, eta eskerrak, bigarrenik, bestelako elkartasun ekimenetan ere beti inplikatzen direlako”, esan du EROSKIko Osasun eta Iraunkortasun saileko zuzendariak, Alejandro Martinez Berriochoak.
EROSKIk sortu zenetik antolatu ditu askotariko gizarte ekimenak; batez ere, bizimodu osasungarria sustatzeko, kontsumitzailea hezteko, ingurumena babesteko eta elkartasuna erakusteko.