Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Ulma Fundazioak "Bidegorriak euskararentzat" ekimena jarri du martxan
![Card image cap](https://www.tulankide.com/eu/ulma-fundazioak-bidegorriak-euskararentzat-ekimena-jarri-du-martxan/@@images/d10346f4-5719-42de-83f0-28837dece74d.jpeg)
Ekintza honen helburua da Ulmak euskararekin daukan konpromisoa langileen artean sozializatzea, eta ondoren konpromiso hori gizarteratzea eta Oñatiko herriarekin konpartitzea.
Izan ere, Oñati arnasgunea da euskararentzat. Bidegorriak euskararentzat esanez, aldarrikatu nahi dugu euskarak bidegorriak behar dituela, bertako hizkuntzak arnasa hartzeko guneak, eta Ulmak ere bere ekarpena egin nahi duela lan-arloan euskarari bidegorriak eskainiz, lanean euskara gero eta gehiago erabiliz.
Bidegorriak euskararentzat urte osoko egitasmoa da eta hizkuntza ekologiaren diskurtsoan oinarrituta dago. Diskurtso hori zabaltzeko, hainbat ekintza egin ditu Ulmak urtean zehar: diskurtsoren berri emateko dekalogoa zabaldu, hizkuntzei buruzko lehiaketa eta konpromisoak adierazteko Euskararen Muralak eta Ulmako organoetako lanketak.
Konpromiso hori gizarteratzeko asmoz, irail erdialdera, Ulmako pertsona erreferenteak Oñatiko ikastetxeetara joango dira LH6-ko umeei Ulma ezagutzera eman eta euskararen normalizazioari egiten dion ekarpena azaltzeko. Eta, konpromisoaren eta kooperazioaren bidetik, irailaren 23an bidegorriak euskararentzat izango dira, jendez eta konpromisoz beteko ditugu bidegorriak eta Oñatiko plaza. Ospakizuna jai giroan egingo dugu, Amaia Txintxurretarekin batera eta KALAKAN musika taldearen kontzertuarekin emango diogu amaiera jaiari.
Irailaren 23ko egitaraua
- 16:30 Denok elkarrekin bizikletaz, oinez, korrika, patinetez edo norberak nahiago duen moduan, bidegorrian zehar Zubilagako errotondatik Oñatiko plazaraino.
Ulmak 55 urte betetzen dituelako, Ulma Fundazioak eta Ulmako Euskara Motibazio Taldeak kontzertu antolatu du. Horrela, Bidegorriak euskararentzat egitasmoari amaiera emango diogu eta urtebetetzea ospatuko dugu Oñatiko herriarekin.