TU Lankide berritua gaurtik: 7 hobekuntza MONDRAGONi buruz informatzeko

TU Lankidek egunero egiten du lan MONDRAGON Korporazioaren informazio kanal nagusira sartzen diren pertsonen esperientzia hobetzeko, eta gure kooperatibetako albiste garrantzitsuenen berri izateko. Gure helburua da informazio esperientzia onena eskaintzea, informatuta egotea, gure kolektiboaren iritziak ezagutzea, bideo eta podcastekin gozatzea, eta zu ere informazio kanal honetan protagonista izatea.

Hobetzen jarraitzea dagokigu, eta horregatik gure komunikazio ataria hobetu dugu, diseinuan, funtzionaltasunean eta edukian hobekuntza garrantzitsuak eginez, plataforma gaurkotuagoa, dinamikoagoa eta, batez ere, zure beharretara egokitua eskaintzeko.

TU Lankiderekin elkarreragiteko modua eraldatuko duten aldaketa estrategikoak ezarri ditugu. Hobekuntza horiek  esperientzia erakargarriagoa, intuitiboagoa eta aberasgarriagoa izatea dute helburu.

Puntuz puntu azalduko dizkizugu hobekuntza nagusi hauek:

1. Nabigazio menu berritua eta osatuagoa:

Ulertzen dugu zein garrantzitsua den bilatzen duzun informaziora azkar iristea, eta horregatik handitu dugu gure menu nagusia, atal eta kategoria gehiago gehituz. Horrela, gure atariaren eremuetan azkarrago eta modu antolatuagoan nabigatzeko aukera izango duzu: gaurkotasuneko berrietan, txosten berezietan, podcastetan eta buletinetan besteak beste.

2. Berrien atal dinamikoagoa eta malguagoa:

Badakigu eguneroko albisteek gaurkotasuna ematen diotela TU Lankide.com webguneari; horregatik, albiste horiek berrantolatzeari eta diseinu intuitiboagoa eta bisualagoa emateari ekin diogu. Antolaketa berri honek esperientzia arinagoa bermatzen du, titularren irakurketa, kategorien esplorazioa eta berri nabarmenenak modu intuitiboan eskuratzea erraztuz. 

3. Eduki gehigarrirako zutabe dinamikoa:

Eduki osagarria funtsezkoa da albisteak eta gaurkotasuna hobeto ulertzeko. Hori dela eta, zutabe dinamiko bat gehitu dugu albisteen atalaren ondoren, eta informazio gehigarria eskainiko dizu: iritzi artikuluak, datu garrantzitsuak, eduki multimediak...

4. Gure funtsezko atalen birdiseinu bisuala:

Birdiseinu hori gure informazio buletin eta podcastetara iristeko gunera ere heldu da. Orain, itxura gaurkotuagoa eta erakargarriagoa dute, eta ezin hobeak dira eguneratuta egoteko eta interesatzen zaizkizun gaietan sakontzeko.

5. Gai monografikoei buruzko atal berriak:

Ezagutza espezializatua funtsezko pieza da TU Lankiden, eta hemendik aurrera gai monografiko sakonak jorratuko ditugun atalez gozatu ahal izango duzu. Monografikoak gai garrantzitsuetan sakontzeko pentsatuta daude, kooperatiben munduari, haien erronkei eta aukerei buruzko ikuspegi osoa eta analitikoa eskainiz.

6. Scrolling horizontala sekzio interaktiboetan:

Funtzionalitate berri bat gehitu dugu, desplazamendu horizontalaren erabilera, eta gure atal batzuetan aplikatu dugu. Nabigazio mota honek esperientzia interaktiboa hobetzen du eta edukia arinago eta erakargarriago esploratzea ahalbidetzen du, bereziki multimedia ataletan edo irudi galerietan.

7. Irakurtzeko tipografia idealak:

Irakurgarritasuna funtsezkoa da irakurketa digitaleko esperientzia ona izateko. Arreta handiz aukeratu ditugu tipografia berriak, gaur egungo estiloagatik eta diseinuagatik nabarmentzeaz gain, optimizatuta daude bistaren erosotasunean pentsatuta. Tamaina egokiarekin eta pantailan argitasun handiagoarekin, gure edukiak irakurtzea askoz atseginagoa eta eskuragarriagoa izango da.

Hobekuntza horiekin, MONDRAGON Korporazioan gertatzen denari buruzko zure informazio iturria izateaz gain, espazio intuitiboagoa ere izatea bilatzen du TU Lankidek, nabigatzea atseginagoa izan dadin. Diseinu berri honek etapa berri baten hasiera adierazten du, zurekin eta kooperatiben munduarekin nola konektatzen dugun azaltzen duena, berrikuntzaren aurrean eta komunitate global gisa ditugun erronken arteko zubi lana eginez.