Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
TU Lankide sare sozialetan gero eta indartsuago
![Card image cap](https://www.tulankide.com/eu/tu-lankide-sare-sozialetan-gero-eta-indartsuago/@@images/1a0d4ec2-5b2f-4abc-9b43-b877afc27d37.jpeg)
Komunikazioa aldatu egin da. Aldatu dira mezuak, aldatu dira ohiturak, eta iraultza horretan medioek estrategia digitalari aurre egin behar izan diote. TU Lankidek ere aspaldi hartu zuen erabakia Interneten eskaintza indartsua egiteko eta bidean, asko izan dira egunetik egunera hartutako erabakiak, eta sareetan landutako edukiak.
Gaur egun, bost sare sozialetan ditugu perfilak, eta bost sare sozial ia egunero-egunero elikatzen ditugu. Izan ere, bi sare berri jarri ditugu azken asteotan martxan: Instagram eta Linkedin. Helburua da sareko zabalkundean eragitea aldizkari digitalera publikoa bideratzeko.
"Helburua da sareko zabalkundean eragitea aldizkari digitalera publikoa bideratzeko"
Bestalde, oraingo astean bertan, bi datu positibo ere izan ditugu sareetan egiten ari garen lanaren ondorio gisa. Buletinak 1.600 harpidedunen langa igaro du eta Twitterren 2.000 jarraitzailera iritsi gara. Twitterren hiru kontu ditugu, euskaraz, gaztelaniaz eta ingelesez eta jarraitzaile kopuruak gora egin du hiru kontuetan. Eguneroko jardunaren bitartez, edukiak eta argazkiak sareratuz, asko dira kooperatibaren egunerokotasunaren berri jasotzen dutenak guk kudeatzen ditugun sare sozialen bitartez.
Instagram eta Linkedin
Arestian aipatu bezala, aurrerantzean Instagram sarean, tulankide izenpean korporazioaren eta kooperatiba ezberdinen egunerokotasunaren argazkiak ikusi ahal izango dituzte gure jarraitzaileek. Era berean, Linkedin sarearen bitartez, korporazioaren eta kooperatiben albiste, bideo eta argazkiak hedatzen ere ari gara, eta gorantz doan sareari neurria hartuko diogu.
Eskerrik asko gure jarraitzaile guztiei eskaintzen diguten arretagatik eta egiten diguten jarraipenagatik.