Irakurriena
- 1. Kooperatiben Nazioarteko Urtea aztergai TU Lankide-ren azken zenbakian
- 2. ADI Data Center Euskadi bigarren zentroa eraikitzen hastera doa
- 3. "Finantzaketaz gain, MONDRAGONek bere ekosistemarako sarbidea ematen digu"
- 4. Euskara bizi-bizirik kooperatibetan
- 5. 10 proiektu saridun, 2024ko MONDRAGON TFG-TFM sarietan
- 6. Konfortaren merkatura itzuli da Fagor
- 7. XII. MONDRAGON Foroak kooperatibetako 400 lagunetik gora bildu ditu Kursaalen
- 8. Javier Amezaga, MONDRAGONen Ekipamendu Dibisioko zuzendari nagusi berria
- 9. MONDRAGON eta Mondragon Unibertsitatea Méxicok berrikuntza eta talentuaren garapenerako lankidetza indartu dute Latinoamerikan
- 10. Valentziako kaltetuei laguntzeko kanpainak zabalik jarraitzen du Eroskin
Tecnaliak antolatutako ‘Inspiring Business Forum’-a gerturatu du MONDRAGONek Garaiara
Korporazioko zein kanpoko 50 bat lagun bertaratu dira gaur Tecnalia IBF ‘Inspiring Business Forum’ delako ekitaldira. Tecnaliak antolatutako Inbertsio-foroa da eta, oraingoan, mugikortasunaren alorreko inbertsio-aukerak izan ditu oinarri. Edizio berri hau, MONDRAGONekin elkarlanean, Sustapen Zentro korporatiboaren bitartez, Arrasatera gerturatu da, Garaiara, hain zuzen.
Iñaki San Sebastianek eta Igor Aristizabalek, Tecnaliako zuzendaria eta Tecnalia Ventures-eko IBF zuzendaria, hurrenez hurren, jardunaldia aurkeztu ondoren, MONDRAGONen txanda izan da. Bertan, Joseba Sagastigordiak, Sustapen Zentro korporatiboko zuzendariak hartu du hitza eta MONDRAGONek negozio berrien sustapenean duen estrategia eta jarduera aurkeztu dizkie bertaratutakoei.
Jarraian, Inbertsio-foroari hasiera eman zaio. Mugikortasunaren sektorearen inguruko estatu mailako ekosistema ekintzaileko bost inbertsio-aukera aurkeztu dira. Jardunaldia networking espazio batekin amaitu da, bertaratutakoen artean harremanak sendotu eta ikuspuntuak partekatu asmoz.
