Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Talentuarekin euskararen gaitasuna lantzeko Aldahitz metodologia aurkeztu da
![Card image cap](https://www.tulankide.com/eu/talentuarekin-euskararen-gaitasuna-eta-erabilera-lantzeko-aldahitz-metodologia-aurkeztu-da-mondragoneko-euskara-foroan/@@images/1c3b1b08-5fc4-484a-ba38-628be09240ad.jpeg)
Mondragoneko Ander Etxeberriak gidatuta, Aldahitz sistemak talentuarekin euskararen gaitasuna eta erabilera lantzeko eskaintzen dituen aukerak aztertu dituzte Mondragon kooperatibetako ordezkariek. Lehendakariak, pertsonen alorrekoak, euskarakoak… ardura ezberdinetako pertsonak bildu dira Mondragoneko Euskara Batzordeak antolatuta Otaloran azaroaren 7an egindako saioan.
Soziolinguistika Klusterreko Pablo Suberbiolak hartu du lehenik hitza eta Aldahitz sistema esplikatu du. “Hizkuntza ohitura aldaketa errazteko sistema integrala da eta, bere baitan, hiru metodologia biltzen ditu”:
- Eusle: hizkuntza ohiturak lan munduan aldatzeko sortu da. Bi baldintza behar dira: metodologia aplikatu nahi den gunean denek euskara ulertzeko gaitasuna izatea eta gehiengo zabalak prestutasuna izatea.
- Ulerrizketak: inguru batean euskaraz hitz egiteko maila handia dutenak nahiz mantso eginez gero euskara ulertzen duten pertsonak egonez gero aplikatzeko metodologia da. Metodologiari esker, ordu arte gazteleraz ziren elkarrizketak euskaraz izaten hasten dira, lankidetza estua sortuz eta euskararen gaitasuna garatzeko beharra duen pertsonaren ulermena hobetuz.
- Uler-saioak: euskaraz ezer ez edo oso gutxi ulertzen dutenentzako da. Gune babestuan, esaterako, lanlekuko bilera gelan, garatzen da metodologia eta euskara ez dakien pertsonak ahalik eta azkarren gutxieneko ulermena garatzea da helburua.
EMUNeko Amaia Baldaren hitzetan, Aldahitzen baitako metodologiek erraztu egiten dute lanean euskara ikasi eta erabiltzea. “Inklusiboa da, ikaste prozesua taldean garatu behar dugulako. Denok guretik ematea eta lankideen ikaste prozesuan inplikatzea eskatzen zaigu”. Bere hitzetan, “ezagutza eta erabilera modu kolektiboan garatzea da” metodologia hauen ekarpena.
EMUNeko ordezkariaren arabera, metodologia hauei esker kooperatibek enpresentzako balio garrantzitsuak lantzen dituzte, esaterako, taldetasuna, lankidetza, erantzukidetasuna, lotura emozionalak indartzea edo elkarrenganako harremana eta konfiantza sustatzea.
Baldak gaineratu duenez, biziarteko ikasketa garaietan bizi gara eta lanlekuan eta lan orduetan garatzen direlako, oso metodologia egokiak dira.
Bi adituen ostean, kooperatiba eta dibisio ezberdinetako ordezkariek hartu dute hitza eta Mondragon mailan metodologia hauen zabalkundea egiteko nahia azaleratu dute.