Irakurriena
- 1. Javier Amezaga, MONDRAGONen Ekipamendu Dibisioko zuzendari nagusi berria
- 2. MONDRAGON eta Mondragon Unibertsitatea Méxicok berrikuntza eta talentuaren garapenerako lankidetza indartu dute Latinoamerikan
- 3. Valentziako kaltetuei laguntzeko kanpainak zabalik jarraitzen du Eroskin
- 4. Pello Rodriguez lehendakariarekin batzartu da Lehendakaritzan
- 5. MONDRAGONek Finantza Foroa egin du
- 6. Matricik likidazio-fasea irekitzeko eskatu du
- 7. “Ilusioz beteta nago, MONDRAGON proiektu liluragarria da”
- 8. MONDRAGONen 2025-2028 Politika Sozioenpresariala aztergai, TU Lankide aldizkariaren azken alean
- 9. Zorionak mende erdiko bideagatik!
- 10. “Trumpen garaipen batek eta haren atzerakada protekzionistak, Europari eragingo liokete”
Tafalla Iron Foundry Koop. E.: etapa berria
Kooperatibaren kontrol osoa eskuratu du Tafalla Iron Foundry Kooperatiba Elkarteko lan-bazkideen kolektiboak. Orain arte, Fagor Ederlan Tafalla lan-elkartuko kooperatiba mistoa zen, kolaboratzaile eta akziodun gisa Fagor Ederlan eta Mondragon Inbertsioak zeudelarik. Aurrerantzean, Fagor Iron Foundry "oinarrizko" lan-elkartuko kooperatiba izango da, MONDRAGONen barne, CHP Automozioa dibisioaren barne.
Gaur egun 900 laguneko lan-taldea du Tafalla Iron Foundryk, eta horietatik %90 bazkideak dira
Kooperatibak argitaratutako prentsa oharrean jakitera eman denez, "bir-eraketak amaiera ematen dio kooperatibizazio prozesu mamitsu bati eta helburua da Tafalla Iron Foundry Kooperatiba Elkartea erreferente teknologiko bilakatzea nazioartean, eta bide batez negozio unitate berriak garatzea eta indartzea".
Automobilgintzan eta ibilgailu komertzial eta industrialen arloan, aplikazio ezberdinetan motoreen osagaiak ekoizteko fundizio espezializatua da Tafalla Iron Foundry, eta esportaziora bideratu du bere produkzioa. %84 Europara, %10 Ipar Amerikara, %3 Hego Amerikara eta %3 Asiara. Bezeroen artean daude, besteak beste, Deutz, Renault, John Deere eta Perkins.
Tafalla Iron Foundry, eta esportaziora bideratu du bere produkzioa. %84 Europara, %10 Ipar Amerikara, %3 Hego Amerikara eta %3 Asiara
Gaur egun 900 laguneko lan-taldea du Tafalla Iron Foundryk, eta horietatik %90 bazkideak dira. Hala, kooperatiba garapen eta lurralde kohesioaren ikuspegitik oso garrantzitsua da Nafarroan. Izan ere, Tafalla eta Olite herrietako enplegu industrialaren %50 hark sortzen du.
