Kolektibitateentzako sukaldaritza eta garbiketa zerbitzuak
Mondragon Unibertsitateko Zientzia Gastronomikoen fakultatea
Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Sukaldean Sortzaile lehiaketaren edizio berria martxan
![Card image cap](https://www.tulankide.com/eu/sukaldean-sortzaile-lehiaketaren-edizio-berria-martxan/@@images/48aa5f17-9958-45c0-a1f2-9748760048dd.png)
Joan den edizioaren arrakastaren ondoren, non 300 haurrek parte hartu zuten eta 90 bideoerrezeta egin ziren, Ausolan Fundazioaren Gozatu Osasuna proiektuaren barruan dagoen ekimen honen bidez familietan ohitura eta bizitza-ingurune osasungarriak sustatu nahi dira, "gure kulturan gastronomiak duen garrantzia gogoraraziz eta gazteak haien aitona-amonen plater klasikoetan oinarritutako errezeta osasungarriak garatzera gonbidatuz", Ausolan Fundazioak azaldu duenez.
Sukaldean Sortzaile proiektua ikasturteko lehen hiruhilekoan garatuko da, eta Euskadiko eta Nafarroako ikastetxeetako 12 eta 17 urte bitarteko ikasleetara zuzenduta dago. Ausolan enpresaren hezkuntzako proiektuaren barruan, ekimen honen helburua da "ohitura osasungarriak sustatzea eta gure adinekoekin denbora gehiago pasatzea, hori baita ezagutzako eta jardunbide egokietako iturri naturala", adierazi du Ausolan enpresaren Euskadiko hezkuntzako proiektuaren taldeak.
BCC Culinary Club erakundean honakoa azpimarratu dute: "Sukaldean Sortzaile proiektuak garrantzia ematen dio aitona-amonen ohitura gastronomikoen ezagutza bilobei transmititzeari, eta erronka bihurtzen da gazteentzat, sormena erabili behar baitute proposamen gastronomiko eguneratua sortzeko".
Lehiaketaren epeak eta finalisten hautaketa
Lehiaketan parte hartzeko epea azaroaren 10era arte egongo da irekita, Sukaldean Sortzaile webgunean.
Izena emateko epea amaitzen denean, YouTube sarean "Atsegin dut" gehien jasotzen dituzten bideoen hautaketa egingo da.
Bigarren fasea ikastetxeetan egingo da, eta gehien gustatu zaien eskualdeko bideoa bozkatuko dute. Ondoren, BCC Culinary Club erakundeko eta Ausolan enpresako aditu-batzorde batek hautatuko ditu bideo finalistak, probintziaka. Azkenik, finalistak abenduaren 15ean Basque Culinary Center zentroan egingo den lehiaketaren amaierako galara joango dira. Bertan sarituko dituzte talde irabazleak.
Ekimen honen bidez, Ausolan Fundazioak Nazio Batuen Garapen Iraunkorreko Helburuak lortzen lagundu nahi du, zehazki osasunari eta ongizateari dagozkionak. "Txikiak direnetik askotariko menu orekatuak diseinatzearen garrantzian irakatsi nahi dugu, tokiko osagaiak eta produktuak hautatuz plateren garapena eta lan egiteko modua ingurumenarekin jasangarriak izan daitezen", adierazi dute fundaziotik.