Stuttgarten eginiko Blechexpo azokan parte hartu du Fagor Arrasatek

Industria

Prentsa eta estanpazio sistemen diseinu eta ekoizpena, laminatzea, prozesatzea, metalen mozketa eta txapazko piezen soluzioak.

Azoka, ekainaren 6tik 9ra bitartean egin zen Alemaniako Stuttgart hirian. Arrasateko kooperatibak merkaturatu dituen azken produktuak aurkeztu zituen bertan.

Card image cap — Euskadiko ordezkaritza instituzionalak bisitatu zuen Fagor Arrasateren erakustokia BLECHEXPO ferian. Besteak beste, Eusko Jaurlaritzako Industria, Berrikuntza eta Turismo sailburu Bernabé Unda gerturatu zen bertara.

2011/06/24

Fagor Arrasatek, besteak beste, servoprensa aurreratua, press hardening izeneko estanpaziorako makina, Wave line prentsak robotizatzeko linea berria eta altzairuaren fabrikazio eta prozesuetarako ekipo siderurgikoak aurkeztu zituen Alemanian.

Bezeroen artean arrakasta

Fagor Arrasateko ordezkariek aurkeztutako berrikuntza guztiek bisitari ugari erakarri zituzten, eta produktu berrietan oso interesatuak agertu ziren gehienak. Izan ere, Fagor Arrasatek apustu honekin merkatuan duen lidergoa indartu du.

Prentsa eta estanpazio sistemen diseinu eta ekoizpena, laminatzea, prozesatzea, metalen mozketa eta txapazko piezen soluzioak.