Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Rafa Leturia joan zaigu
Uztailaren 18an joan egin zitzaigun Rafael Leturia Arregi, 72 urte zituela, gazte. Rafa, Oñatin jaio arren, Arrasaten bizi izan zen eta urte mordoska eman zuen gure artean lankidetzan. Bere lan egiteko modu fina hainbat proiektu kooperatiboetan gauzatu ahal izan zuen, besteak beste, honako kooperatiba hauetan: Copreci, Fagor Ederlan, Urola, Danobatgroup eta Lealde. Tafallan ere oso lan ona egin zuen eta berak jarri zituen proiektu hura eraldatzeko lehen oinarriak.
Zuzendari lanetan ibilitakoa zen Rafa: gerente Coprecin, Fagor Ederlanen, Urolan eta Lealden, lehendakariorde Automozioko Dibisioaren, eta TPM (Total Predictive Maintenance) bultzatzaile sutsua, prozesu industrialak eraginkorragoak bihurtu nahian.
Ingeniaritza ikasketaduna, eta langile peto-petoa. Bere inguran ibili izan diren pertsonak bat etorri dira esatean bihotz oneko pertsona zela, zintzoa, oso gertukoa, baikorra eta talde kooperatiboarekin oso konprometitua. Halaber, goraipatu egin digute Rafaren estrategia arloan jokatu izan duen papera, “estratega ona zen”, eta berrikuntzarekiko izan duen jarrera ausarta, egon izan den proiektu guztietan produktu eta zerbitzu berriak garatzeko orduan.
MONDRAGONeko Kooperatiben mundutik aparte, bere sena erakutsi zuen beste arlo batzuetan ere. Izan ere, erretiroa hartu eta gero, fin asko ibili zen Konfekoopen bidez kooperatiba txikiei laguntzen eta baita euskararen aldeko erakundeetan ere, bere gazte denborak gogoratu nahian, ikastolako hasierako urtetan lehendakari izan zenekoa.
Une latz honetan besarkada bero eta zintzo bat bidali nahi diogu bere familiari.
Goian bego Rafa!