Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Ospakizun eguna Embega Kooperatiban
![Card image cap](https://www.tulankide.com/eu/ospakizun-eguna-embega-kooperatiban/@@images/75ea2e06-b9f1-496e-8788-207bd383c355.jpeg)
Embega, 1971 urtean sortu zen eta 1972an ekin zen enpresa aktibitatearekin Bilatortan, Nafarroan. Etxetresna elektrikoentzat elementu dekoratiboak fabrikatzen ditu, gizon-makinaren interface soluzioak eta baita hermetikotasun juntak ere. Osagaien Dibisioko parte da Embega, MONDRAGON Korporaziokoa, eta gaur egun 130 pertsonako lan-taldea ari da bertan, horietatik 115 lan-bazkideak.
Urteurren sasoia
Urte osoan zehar, Bilatortako kooperatibak (Lizarrako Merindadea) ekimen eta ospakizun ekintza ugari egin ditu: kirol arlokoak, ate-irekien jardunaldiak, argazki erakusketak, scape room irteerak eta beste zenbait. Hala, ostiral honetan, ekintza horiei guztiei amaiera emateko festa handia egingo dute.
Goizeko 10etatik aurrera kirol jarduerekin hasiko dira eta hiruretan bazkaria izango dute. Ondoren, eguneko unerik hunkigarriena izango da, bostak aldera, fundatzaileei omenaldia egingo diete-eta. Guztira 170 lagun elkartuko dira bazkarian, gaurko bazkide eta langileak, bazkide erretiratuak eta senide zein lagunak.
Aurrerago, Embegak ekitaldi instituzional bat egiteko asmoa ere badu, non Nafarroako politikariak, arlo ekonomikoko eta ekonomia sozialeko kideak eta MONDRAGON Korporazioko kideek parte hartuko duten.