Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Orbeak Sabino Arana saria eskuratu du
![Card image cap](https://www.tulankide.com/eu/orbeak-sabino-arana-saria-eskuratu-du/@@images/8ef9a19b-3216-40ae-8cff-5c3e639c6d1c.jpeg)
Pasa den abenduaren 29an entregatu ziren Sabino Arana Fundazioko sariak, Bilboko Arriaga antzokian. Bertan, Juan Mª Atutxak, Sabino Arana Fundazioko lehendakariak, eta Irune Zuluagak, erakundeko zuzendariak, aurkeztu zituzten 2016ko saridunak.
Saridunak izan dira: Pedro Luis Uriarte, Orbea, Egibide, Matxalen Ziarsolo, Tolosako Ekinbide Etxea eta “Guernica” margolana.
Bizkaiko Mallabia herrian dagoen Orbea, S. Coop enpresak, 175 urtetik gorako ibilbidea daukan enpresa kooperatiboak, saria jasoko du “negozioa berrantolatzeko gaitasuna izan ostean, lasterketako eta mendiko bizikletak fabrikatzen dituen nazioarteko erreferentea bihurtzeagatik”, aipatu dute.
Horrez gain, aipatu da “Orbea 65 herrialdetan baino gehiagotan dago eta enpresa arrakastatsuaren adibide gisa ikasten da unibertsitateetan. Orbea nagusi da estatuko merkatuan eta munduko hamar bizikleta-marka ospetsuenen artean dago; beraz, euskal industriaren bandera-ontzietako bat dugu nazioartean”.
Sabino Arana Fundazioko arduradunen esanetan, sariak “produktu asko garatzeko gaitasuna aitortzen dio enpresari, bizikletez gain, kaskoak, hidratatzeko bizkar-zorroak, lanabesak eta txirrindularitzako arropa saltzen baititu, guztiak ere berrikuntzan eta enpresak berak sortu eta diseinatutako produktuetan oinarrituta”.