Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Orbeak eta Lotto Dstnyk lankidetza hitzarmena sinatu dute
"Badira historia batzuk derrigor gertatu behar direnak, balio partekatuei esker bat egiten duten bideak". Orbeak eta Lotto Dstnyk sustraira jo dute, beren balioen muinera, lankidetza hitzarmenaren berri emateko. Bi markek mundua begiratzeko duten ikuspegien baturatik sortu da proiektua, eta kirol zein enpresa arloan helburu berriak lortzeko anbizioan gauzatzen da.
"Lankidetza honen bidez, inpaktua handitu eta mundu mailan gure aintzatespena indartu nahi dugu", adierazi du Ander Olariaga Orbeako Marka eta Komunikazio zuzendariak.
38 urteko historian zehar, Lotto taldea erreferente bihurtu da tropelean, eta Belgikako taldea, txirrindularitza munduan, babesletza kasurik luzeena du. Orbeak, berriz, 183 urte ditu eta lehiaketan oinarritutako dna dauka.
"Bi marken jatorria txirrindularitza lurralde bati itsatsita dago. Belgikak, Euskadik eta bi lekuetako zaleek lau alboetatik arnasten dute txirrindularitza, horrek esan nahi duen arduraz eta ohoreaz ", ziurtatu dute Orbeatik eta Lottotik. Orbeak egunero ilusioz lan egiten du lortutako posizioa sendotzeko, aberastasuna sortzen jarraitzeko eta gizartearekin partekatzeko.
Lotto Dstny bezala, Orbea presentzia global handiko marka da. "Lankidetza honen bidez, inpaktua handitu eta mundu mailan gure eragina indartu nahi dugu", adierazi du Ander Olariaga Orbeako Marka eta Komunikazio zuzendariak. Funtsezko balio horiez gain, bi aldeek uste dute egunerokotasunean bikaintasuna, konpromisoa eta iraunkortasuna hartuz soilik egin ahal izango dutela bidea aparteko lorpenetara iristeko.
"Lotto Dstnyk aliatu ezin hobea aurkitzen du Orbean gure egitura osoaren errendimendua hobetzen jarraitzeko. Bizikleta berrietara azkar egokitu dira eta garatzeko lanean jarraitzeko prestasuna erabatekoa da. Horrela, kirol emaitza handiak bermatuko ditugu ", adierazi du Stéphane Heulotek, Lotto Dstny-ko CEOak. Proiektu hau izenetatik edo pertsonetatik haratago doa. "Orbeak eta Lotto Dstnyk indarrak batu genituen munduko edozein tokitan kirol hau maite duten txirrindularitza zaleen amets egin dezaten eta hunkitzeko aro berri bati ekiteko".