Opor osasuntsuak izateko jarraibideak!

Hobe da aurrea hartzea gero damutzea baino, dio atsotitzak. Eta Osarten-ek,
prebentzioarekin duen konpromisoaren haritik, gomendioen eskuliburu bat sortu du
oporretan ezustekorik izan ez ditzagun. Hauek dira, besteak beste, eguzkiarekin,
loarekin edo infekzioekin lotutako oinarrizko aholkuak.

1. Kontuz eguzkiarekin.

• Babestu eguzkitik; saihestu eguzkiak gogorren jotzen dituen orduak.
• Arropa egokiak jantzi, ehun motari, lodierari eta koloreari erreparatuta.
• Eguzkitako betaurrekoak jantzi eta eguzkitik babesteko krema egokiak erabili.
• Ez lo hartu eguzkitan.
• Hidratatu zaitez, eguneko gutxienez 1,5 litro ur edan itzazu, eta arriskuko
  lurraldeetan botilako ura edan.

2. Loaren errutina errespetatu.

• Zure bizilekuaren eta helmugaren arteko ordu-aldea handia bada, ahalegindu jet-
  lag-aren eraginak txikiagotzen.
• Gauez bidaiatuz gero ahalegindu lo egiten eta helmugara heltzean saiatu zaitez
  ordutegi erregularra egiten.

3. Tronbo-en kontrako protokoloa.

• Bidaiatzean, batez ere bidaia luzeak badira, ez erabili arropa esturik arazo
  baskularrak saihesteko.
• Trebatu hankak 30 minututako tarteetan.
• Konpresio-galtzerdiak erabiltzearen aukera aztertu eta ez eseri hankak gurutzatuta.

4. Adi infekzioei.

• Onddoek eragin ditzaketen zauri eta infekzioak saihesteko, oinetako egokiak
  erabili.
• Aldatu arropa bustia lehenbailehen.
• Arrisku eremuetan eltxoak uxatzeko produktuak erabili eta larruazala arropa
  egokiekin estali.

5. Idorreria izanez gero…

• Fruta eta barazkiak jatea areagotu eta ur asko edan.
• Sedentarismoa saihestu.

6. Osasun materiala eta txertoak

• Atzerriko herrialdeetara bidaiatu aurretik informatu derrigorrezkoak zein
  gomendagarriak diren txertoetaz.
• Adituek adierazitako txertatze jarraibideak zorrotz bete.
• Gomendagarria da bidaia aseguru batekin bidaiatzea.
• Zauriak osatu zein gaixotasun arinak artatu ahal izateko oinarrizko materiala
  eraman.
• Gaixotasun kronikorik izanez gero, tratamendua aldean eraman eta fundamentuz hartzen jarraitu.