Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Online ikasteko testuinguruak diseinatzeko formazioa
![Card image cap](https://www.tulankide.com/eu/online-testuinguruak-diseinatzen-ikasteko-formazioa/@@images/c4255e40-1f89-4434-8438-ba9790c6d32b.jpeg)
Derrigorrezko Bigarren Hezkuntzako (DBH), Batxilergoko eta Lanbide Heziketako irakaslei zuzendutako ikastaro trinkoa eskainiko du Mondragon Unibertsitateko Humanitate eta Hezkuntza Zientzien Fakultateak. Online emango den 24 orduko ikastaro honetan, parte-hartzaileak ikasiko dute diseinatzen online irakasteko testuinguruak.
Bi helburu nagusi ditu ikastaroak: batetik, aurrez aurrekoaren eta eremu digitalaren arteko loturak eta aukerak ezagutzea. Horregatik, parte-hartzaileak trebatuko dira aurrez aurre zein eremu digitalean ikaskuntza-prozesu eraginkorrak modu esanguratsuan uztartzeko estrategietan. Bestetik, ezagutzea testuinguru digitaletan kontuan hartu behar ditugun irizpideak; adibidez, ingurune digitaletan modu eraginkorrean komunikatzeko estrategiak, ikasleen parte-hartzea sustatzeko estrategiak eta tresnak eta irakasle/tutore gisa, testuinguru digitaletan ikasleen jarraipena edo ebaluazioa egiteko aukerak eta tresnak.
Ikastaroa bi multzotan dago antolatuta eta euskaraz edo gazteleraz egin ahal izango da:
- Eredu hibridoak ezagutzen (8 ordu):
- Zer da ikaskuntza testuinguru digitaletan? zeintzuk dira testuinguru digitaletako ikaskuntzaren gakoak?
- Nola uztartu aurrez aurrezkoak eta testuinguru digitalak: estrategiak eta gakoak.
- Testuinguru digitaletan sakontzen: gakoak, estrategiak eta tresnak (16 ordu):
- Komunikazioa.
- Parte-hartzea.
- Jarraipena eta ebaluazioa.
2020-2021 ikasturtean, hiru alditan eskainiko da ikastaroa:
- 2020ko irailaren 14tik urriaren 16ra.
- 2021eko urtarrilaren 18tik otsailaren 19ra.
- 2021eko apirilaren 19tik maiatzaren 21era.
Informazio gehiago:
Nagore Eskibel (Idazkaritza Akademikoa)
600 097 109
Koordinatzailea
Ainara Imaz