Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Neskak IKT-etan Nazioarteko Eguna ospatu zuten Garaian
![Card image cap](https://www.tulankide.com/eu/neskak-ikt-etan-nazioarteko-eguna-ospatu-zuten-garaian/@@images/410aea64-a380-4b65-8d6c-07afcedc542f.jpeg)
IKTko profesionalez osaturiko mahai-ingurua egin zuten. Bertan parte hartu zuten, Onenpro enpresako Esti Iturbek, Mondragon Unibertsitateko Ainara Bilbaok eta Leire Etxeberriak, Roganet enpresako Gorka Lezetak eta MVEko Diego Andresek. Beraien ibilbidea akademiko zein profesionala, erronkak eta IKTen esparruko genero ezberdintasunak mahaigaineratu zituzten eta sektore honetan emakumeen beharra dagoela aldarrikatu zuten.
”Gure enpresan garapeneko departamentua alde batetik eta testing-eko departamentua daukagu bestetik. Garapeneko departamentuan, %80 baino gehiago gizonezkoak dira eta testing-ean berriz, %100a emakumeak gara. Nire ustetan, ez da kointzidentzia bat. Departamentu bakoitzeko karga psikologikoa desberdina da: batzuk (garapenekoak) ekoiztera dedikatzen dira eta beraien ahalmen eta adimena mahaian jartzera eta besteok (testing arlokoak), beraien atzetik goaz, gainbegiratze lanetan, egiten dutenari jarraipena egiteko. Honek badu zer ikusia zaintza ereduarekin eta emakume eta gizonei jartzen zaizkien rolekin, gure kasuan departamentuka ezberdintzen dira” – Esti Iturbe
Ostean, Kahoot lehiaketa egin zen, bertaratutako eta online konektatuko ikasleen artean, mahai-inguruan aurkeztutako kontzeptuak lantzeko, baita sari banaketa ere.
Presentzialki izan ziren Arrasateko Institutuko 1. Batxilergoko ikasleak, IKT tailer bat izan zuten Garaia Parke Teknologikoan kokatuta dagoen Mondragon Goi Eskola Politeknikoaren 11.eraikinean, “Bideo-joko bat garatu kodifikatu gabe” izenpean.
Jarduera hauekin guztiekin, PTGaraiak eta Mondragon Goieskola Politeknikoak urte osoan zehar egiten dituzten beste batzuekin batera Debagoieneko ZTIM bokazioak piztu eta sustatzeko asmoa jarraitzen dute gazte eta gizarte osoarengan. Gaur egungo eta etorkizuneko garapenean ezinbestekoak diren profesional zientifiko teknologikoak gizartearengana gerturatu eta egiten duten lanaren balioa erakusteko. Bereziki, emakumeek ibilbide profesional hontatik abiatzeko dituzten oztopo eta gatazkak gainditu eta ekiditzen laguntzeko.