Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Nazioarteko aitortza MONDRAGONeko ikerlariei
Xavier Beudaert, Ideko-ko (Fabrikazio Aurreratuko Zentro Espezialista) ikertzaileak 2019an jaso zuen Taylor domina, motelgailu aktibo eramangarrien arloan egindako lan zientifikoagatik. Ikerketa moteltze-sistema eramangarri bat garatzean zetzan, makina-erremintaren produktibitatea handitzeko.
CIRP akademiak 35 urtetik beherako ikertzaile gazteen ikerketa-lan onenari ematen dion sari hau oso garrantzitsua izan da Idekorentzat, Estatuan kokatutako zentro teknologiko batek 1958an ezarri zenetik, aitortza hori lortu zuen lehen aldia izan baitzen.
Eta haren ondotik iritsi da aurtengoa ere. Gorka Ortiz de Zarate Mondragon Unibertsitateko ikertzaileak jaso baitu Taylor domina, Ekoizpen Ingeniaritzako Nazioarteko Akademiak (CIRP) ematen duena.
Ekitaldia Bilbon
Saria CIRPen 71. batzar orokorrean jaso du Ortiz de Zaratek, Bilbao Exhibition Centren, abuztuaren 21etik bihar arte ospatzen ari den ekitaldian. Ikertzaileak industria aeronautikoari eta automobilgintzari zuzendutako eta bi sektoreetarako pieza kritikoak mekanizatzeko prozesuaren modelizaziora eta optimizaziora bideratutako ikerketa-lanagatik jaso du saria.
Akademia 40 herrialde baino gehiagotako 650 kidek osatzen dute (horien artean Rolls-Royce, Volvo, General Electric eta Airbus konpainiak daude, besteak beste), eta egunotan 500 ikertzaile baino gehiago bildu ditu Bilbon.