Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Mundukidek lasterketa solidarioan parte hartzera dei egiten du
Urriak 21ean, Aretxabaletako Urkulu urtegian ospatuko da Kooperatiben arteko IV. Mundukide Lasterketa Solidarioa. Horren inguruko xehetasunak ematen ditu Urri Urizar, Mundukideko komunikazioa arduradunak elkarrizketa honetan (Goienan argitaratua).
Zein da Kooperatiben Arteko Mundukide IV. Lasterketa Solidarioaren helburua?
Mozambike, Brasil eta Kolonbiako milaka pertsonaren gaitasun sozioekonomikoa sendotzen jarraitu ahal izateko babesa lortu nahi dugu festa solidario honekin. Hormak jasotzeko eta itsasoak zabaltzeko hautua egiten dutenen aurrean, Mundukiden, tokiko gaitasunak bultzatzeko apustua egin dugu, garapen sozioekonomiko sostengarriarekin konprometitutako pertsona autonomo eta buruaskiak sustatzeko.
Nork har dezake parte?
Kooperatiba guztiei eta kooperatibez osatutako organoak dituzten erakundeetako pertsonei irekia dago lasterketa. Hiruko taldeak osatu behar dira eta hiru kategoria daude: emakumezkoena, gizonezkoena eta mistoa.
Ibilbidea zelakoa da?
Zazpi kilometro luze izango da; hau da, Urkuluko urtegiari buelta ematea da erronka, eta, bestalde, gozamena; izan ere, natura-gune paregabea da.
Zein bilakaera izan du lasterketak?
Lehen edizioa kooperatiben arteko lasterketa izan zen. Iaztik aurrera, berriz, oinez egin nahi duenari eta kooperatibista ez denari ere, Ibilaldi Nordiko eta Ibilaldi Librean parte hartzeko aukera eskaintzen zaio.
Zein ekarpen egiten du parte hartzen duenak?
Izen-ematea 15 euro da eta ikasleek, berriz, 5 euro besterik ez dute ordaindu behar. Lasterketari esker jasotzen den diru guztia Mundukideko programak indartzeko erabiliko da. Mozambike iparraldeko nekazariak, Brasilgo Lurrik Gabeko Mugimenduko langileak eta Kolonbiako Pasto hiriburuko zabor birziklatzaileak dira onuradunak, besteak beste.
Izen-ematea non egin behar da eta zer azpiegitura eskaintzen ditu lasterketak?
Mundukideko webgunean eta lasterketa egunean Otalorako aparkalekuan 09:00etatik 10:00etara bitartean. Parte-hartzaile guztiek istripu-asegurua, Aretxabaletako kiroldegian dutxatzeko aukera, Athlon kooperatibak babestutako kamiseta eta opari zozketaz gozatzeko aukera izango dute.