Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
MUk eta Laboral Kutxak ikasketak finantzatzen lagunduko diete ikasleei
![Card image cap](https://www.tulankide.com/eu/muk-eta-laboral-kutxak-ikasketak-finantzatzen-lagunduko-diete-ikasleei/@@images/993d91d0-2558-47c6-8e97-02f3c16ca142.jpeg)
Mondragon Unibertsitateak eta Laboral Kutxak lankidetza-hitzarmen bat sinatu dute gaur goizean, zailtasun ekonomikoak dituzten ikasleei ikasketak ordaintzen laguntzeko. Mondragon Unibertsitateko errektoreorde akademiko Jon Altunak eta Laboral Kutxako Negozio Garapenaren Areako zuzendari Xabier Egibarrek sinatutako hitzarmenaren helburua honako hau da: Humanitate eta Hezkuntza Zientzien Fakultateak, Enpresagintza Fakultateak, Goi Mailako Eskola Politeknikoak eta Gastronomia Zientzien Fakultateak eskainitako goi-mailako unibertsitate-ikasketak lehentasunezko baldintzetan finantzatzea.
MUko ikasleei baldintza bereziak jarriko zaizkie –interes tasa egokiak eta komisiorik gabe– ikasturtearen kostua finantzatzeko
Hitzarmenaren arabera, Mondragon Unibertsitateko ikasleei baldintza bereziak jarriko zaizkie –interes tasa egokiak eta komisiorik gabe– ikasturtearen kostua finantzatzeko, matrikula, mantentzea, garraioa eta materiala barne hartuta, baita nazioarteko mugikortasuna ere, Erasmus edo bestelako programen bidez.
Era berean, Mondragon Unibertsitateko ikasleek berme pertsonaleko mailegu bat eskuratu ahalko dute ikasi nahi duten graduaren, masterraren edo doktoretzaren kostuari aurre egiteko.
Urtebeteko indarraldia
Bi erakundeen arteko hitzarmenak urtebeteko indarraldia izango du –2015eko irailaren 15era arte –, baina luzatzeko aukera zabalik utzi dute.