Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
MUk Diseinu Berrikuntza Zentroa inauguratu du, Estatuan erreferente bilakatuko dena
![Card image cap](https://www.tulankide.com/eu/muk-diseinu-berrikuntza-zentroa-inauguratu-du-estatuan-erreferente-bilakatuko-dena/@@images/67107d4a-47c2-4d41-9ef1-5bf7699d8f91.jpeg)
Administrazio publikoetako, teknologia zentroetako eta inguruko enpresetako ehun bat lagunen aurrean inauguratu da Mondragon Unibertsitateko Goi Eskola Politeknikoko instalazioetan Diseinu Berrikuntza Zentroa. Besteak beste, ekitaldian parte hartu dute: Mondragon Unibertsitateko errektore Iosu Zabalak; Goi Eskola Politeknikoko zuzendari Vicente Atxak; Eusko Jaurlaritzako Berrikuntza eta Teknologia sailburuorde Juan Goikoleak; EHUko Unibertsitate eta Ikerketa zuzendari Zuriñe Gomez de Balugerak; eta IHOBEko iraunkortasun-zuzendari Ignacio Quintanak.
Zentroa MUko Arrasateko Campusean dago kokatuta, GEPen instalazioetan. 2000 m2 baino gehiago ditu, eta horietatik 500 metro koadro laborategi eta tailerrentzat bideratu dituzte. Eraikinak bi solairu izango ditu eta guztira, inbertsioa 150 mila eurokoa izan da.
Ibilbideari jarraipena
DBZrekin, Goi Eskola Politeknikoak 1997an ekindako bideari emango dio jarraipena, eta orduan bezala, helburu nagusia izango da inguruko enpresa eta ikerketa guneei zerbitzua eta produktuak eskaintzea. DBZren lana bi ikerketa lerrotan oinarrituko da: bat iraunkortasunarekin eta ekoberrikuntzarekin loturikoa, eta bestea, esperientzia diseinatzera, interakziora eta diseinu inklusibora bideratutakoa. Gainera, zentroak beste lan lerro bat badu, zeharkakoa, enpresetarako etorkizuneko azterketak egiteko eta joerak aztertzeko.
Giza taldea
Zentro berriak 34 pertsonako taldea izango du. Horietatik bederatzi industria diseinuko ingeniariak dira, ikerketa-proiektuetan bereganatzen dituzten gaitasunak ikasleei transferitzeko ikerketa irakaskuntzarekin partekatzen dutenak; hiru doktoreak dira; eta bi doktoregaiak. Gainera, 20 ikasle baino gehiagok parte hartuko dute ikerketa-lerroek sustaturiko proiektuetan.