Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Montevideoko Unibertsitateak fakultate berria estreinatu du, Enea-ren altzariekin
![Card image cap](https://www.tulankide.com/eu/montevideoko-unibertsitateak-fakultate-berria-estreinatu-du-enea-ren-altzariekin/@@images/8f47e8a7-0f9f-4128-a66c-861915bdbc72.jpeg)
Montevideoko Unibertsitateak fakultate berria du. Ingeniaritza Fakultatea da (FIUM), eta egoitza eraikin zabal eta moderno batean birkokatu da. Fakultateak ateak ireki zituen urte hasieran eta zaharberritze proiektuan parte hartu zuen Eneak. Interiorismo proiektua Dovat Arquitectos estudioak egin zuen eta Enea etxeko altzariak erabili dituzte guztia atontzeko. Enea enpresak Hego Amerikako Tecnomadera herrialdean duen banatzailearen eskutik parte hartu du enpresa gipuzkoarrak.
LATU (Uruguaiko Laborategi Teknologikoa) parke teknologikoan dago fakultatea, eta inauguraziora Luis Lacalle Pou herrialdeko presidentea, presidenteordea eta gobernuko hainbat agintari joan ziren. Kokapen berriak, alde batetik, espazio gehiagoren beharrari erantzuten dio, eta, bestetik, ikasleen, irakasleen eta ikertzaileen komunitatearen eta inguruko enpresen arteko sinergia indartzeko asmoari.
Hiru solairutan banatutako 2920 m2-ko azalera du fakultateak, eta itxarote-gune zabalak, kafetegia eta kanpoaldea ditu. Horietan, Eneak bere bildumako altzariak erabili ditu. Izan ere, MONDRAGONeko konpainiak diseinuzko altzarien katalogo zabala du, eta horri esker, unibertsitateko altzarientzako apustu segurua da beti.
Kafetegi gunea
Fakultateak kafetegi-gune bat du, eta, bertan, bere ekipamendua jarri du Eneak. Atseden-gune hori ez da batere oharkabean igaroko; gainera, erosotasuna eta estiloa eskaintzen ditu, hurrengo klasea baino lehen zerbait txikitzeko edo goiz erdiko kafe hori hartzeko, indarrak kargatzeko.