Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Martxoaren 20an egingo dira aurtengo Komunikaldiak
Aurten HUHEZIk antolatzen duen Komunikaldiak jardunaldien zortzigarren edizioa egingo da, Garaia Berrikuntza Gunean. Lehendabizi 2006an antolatu zuen HUHEZIk Komunikaldiak jardunaldia, eta ordutik helburu berdina bultzatu du: komunikazioarekin harremanetan dagoen gai bat egun bakarrean lantzea, gai horretan aditua diren zenbiat profesional eta aditurekin.
Aurtengo gai nagusia Ideia Laborategiak izango dira eta Euskal Herritik zein atzerritik etorritako adituek parte hartuko dute.
Eguneko programa
Egunarekin hasteko, Jon Altuna MUko errektoreordeak ongietorria egingo die partehartzaile guztiei. Ondoren, Renoko Unibertsitatetik datorren Tania Arriaga irakasleak "Munduan zertan den ideien laborategien kontua. Ikuspegi orokorra eta testuingurua" hitzaldia emango du. Jarraian Collective Intelligence taldeko George Por-ek "Zelan suspertu berrikuntza komunikazioaren arloan" saioa eskainiko du. Eta ondoren, Goiena eta HUHEZIren arteko ideia laborategiaren esperientziak aurkeztuko dira. Gainera, honekin lotuta ideia laborategi desberdinen esperientziak ezagutzera emango dituen mahai ingurua egingo da: Amaia Beitia moderatzailea, Mange Manovell Dinami Ideas taldeko kidea, H-Eneako Eukene Barrenetxea eta Basque codesign Centerreko Gorane Ibarra.
Dreamworks saioa
Arratsaldean, ikus-entzunezko komunikazioen eremuari buruzko DREAMWORKS saioa egingo da, BAC-ek eta HUHEZI fakultateak antolatuta. Bertan, ikus-entzunezko Komunikazioen eremuko negozio aukera berriak landuko dira, elkarlanean arituz sustatu daitezkeenak identifikatuz. Bertaratuko diren enpresen artean ideien hautaketa eta ekipoen aurretiazko eraketa bultzatuko da.