Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Arrasateko kooperatibismoaren sorrera aztergai ETBko "Izan Ginelako" saioan
![Card image cap](https://www.tulankide.com/eu/mondragoneko-kooperatibak-aztergai-etbko-izan-ginelako-saioan/@@images/4fe96549-4450-442d-bfa2-8d1968d82fde.png)
Gaur, Arrasateko kooperatibismoa izango da hizpide ETBko "Izan Ginelako" saioan.
Arrasateko lanbide eskolako bost ikasle ohiren ibilbide oparoa izango dute ardatz nagusia. Munduko kooperatiba-talde handienaren hazia erein zuten gerraostean. Etxetresnak egiteko Gasteizen tailer txiki bat erosi zutenetik hasi eta MONDRAGON Korporazioa bihurtu arteko ibilbidea eta eman zituzten pauso guztiak azalduko ditu programak.
Bestalde, Ulgor enpresaren izena zelan sortu zen ere azalduko dute; izan ere, akronimoa Luis Usatorre, Jesus Larrañaga, Alfonso Gorroñogoitia, Jose Maria Ormaetxea eta Javier Ortubay abizenetatik sortutakoa da. Bost lider horiek aita ponteko bat zeukaten: Jose Maria Arizmendiarrieta apaiza. Berak erakutsi zien hezkuntza ezinbestekoa dela edozein gauzatarako.
Horien artean, Ulgorreko "L" hizkia izango da saioko protagonista: Jesus Larrañaga Lizarralde. Bere biloba Nagoreren begietatik kooperatibismoaren oinarria eta Mondragon Esperientziaren jarduera ezagutzeko aukera izango dugu. Egitasmoa ulertzeko helburuarekin, beste sortzaileen bilobekin ere hitz egingo du saioak. Gainera, beste lau lagunen testigantzak ere bilduko dituzte: Javier Retegi Jose Maria Arizmendiarrietaren biografoarenak, Itziar Usabiaga Ausolaneko lehendabiziko gerentearenak, Iñaki Etxezarreta Arizmendi ikastolako zuzendariarenak eta Ander Etxeberria Mondragoneko Hedapen Kooperatiboaren arduradunarenak.
Ulgor enpresa sakonago ezagutuko du "Izan Ginelako" saioak. Josune Ariztondoren eskutik, gaur gauean, 22:30ean, ETB1en eta eitb.eus-en.