Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Mondragon Unibertsitateak sei egokitzapen-ikastaro jarri ditu abian, ingeniari teknikoek graduatu maila lor dezaten
![Card image cap](https://www.tulankide.com/eu/mondragon-unibertsitateak-sei-egokitzapen-ikastaro-jarri-dituzte-abian-ingeniari-teknikoek-graduatu-maila-lor-dezaten/@@images/20a4610f-4e44-4654-b5a0-c32228eb7026.jpeg)
Mondragon Unibertsitateak eta Gipuzkoako Peritu eta Ingeniari Tekniko Industrialen Elkargo Ofizialak (COPITIGek) sei egokitzapen-ikastaro jarriko ditu abian otsailean, ingeniari teknikoek graduatu maila eskura dezaten. Honako hau bigarren edizioa izango da. Lehena irailean jarri zen martxan eta 170 profesional ari dira egiten. Ikastaro horri esker, lanean ari diren ingeniari teknikoei beren espezialitatean graduatu izateko aukera eman nahi zaie.
Europar esparrua
Goi mailako Hezkuntzaren Europar Esparrua abian jarrita, aurreko unibertsitate-sisteman ingeniari teknikoen (hiru edo lau urteko ikasketak) eta goi mailako ingeniarien (sei urteko ikasketak) artean zegoen banaketa desagertu egin da, ikasketa horiek guztiak ingeniaritzako graduetan bildu direlako. Alabaina, bategite horrek ez die eragiten aurretiaz ingeniaritza teknikoko titulua zutenei (horietako gehienak gaur egun lanean ari dira), ingeniari tekniko izaten jarraitzen baitute, baina ez dira graduatuak.
Premia horretaz jabeturik, Mondragon Unibertsitateko Goi Eskola Politeknikoak, Gipuzkoako Peritu eta Ingeniari Tekniko Industrialen Elkargo Ofizialaren laguntzarekin, Ingeniari Teknikoei zuzendutako sei egokitzapen-ikastaro (‘ikastaro-zubi’ ere esaten zaie) jarriko ditu abian otsailean. Ikastaro horiei esker, ingeniari teknikoak bitarteko karrera zahar bateko titulazioa izatetik europar graduatua eskuratzera pasatuko dira urtebeteko ikasketen ondoren. Prestakuntza erdi-presentziala edo linea bidezkoa jasoko dute, Moodle plataformaren bidez teknologia berrietan oinarrituta, eta hainbat irakasgai jarraitzeaz gain, gradu amaierako lan bat ere egingo dute.
Zehazki, edizio berri honetan, sei egokitzapen-ikastaro eskainiko dira, honako titulu baliokide hauek eskuratzeko: Ingeniaritza Mekanikoa, Industria Elektronika, Industria Diseinua eta Produktu Garapena, Informatika, Telekomunikazio Sistemen Ingeniaritza eta Industria Antolakuntza. Ikastaroak formatu erdi-presentzialean eta linea bidez emango dira, gaztelaniaz, eta ikastaro bakoitzerako plaza kopurua mugatua izango da.