Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Mondragon Unibertsitateak nazioarteko QIA saria jaso du
![Card image cap](https://www.tulankide.com/eu/mondragon-unibertsitateak-nazioarteko-qia-saria-jaso-du/@@images/1759168f-1088-4a43-8b4f-e004620f98e9.jpeg)
Sariok Gasteizko Europa Jauregian banatu ziren, QIA nazioarteko sariko zortzi euskal finalistak ezagutarazi ostean. Mondragon Unibertsitatetik, Aitor Lizartza bertaratu zen, Mondragon Team Academyren sortzailekidea, hau da, Mondragon Unibertsitateko Enpresagintza Fakultateko nazioarteko ekintzailetzako sarearena.
Quality Innovation Award (QIA) Excellence Finlandek 2007an sorturiko nazioarteko lehiaketa da, eta QIA Advisory Boardeko erakunde eta herrialde kideen artean proiektu berritzaileen lehiakortasuna sustatzea du helburu; hauek dira herrialdeok: Finlandia, Suedia, Israel, Espainia eta Txina. Euskadin, QIA Advisory Boardeko kide den Euskalitek ematen du aitorpena, eta Innobasquek, Unibasqek eta Ihobek ziurtatzen dute.
«Teknologiak trantsizioan dagoen mundu baterako»
«Teknologiak trantsizioan dagoen mundu baterako» programa LEINN (Lidergo Ekintzailea eta Berrikuntza) graduko hirugarren mailan ematen da, Irungo, Oñatiko eta Bilboko laborategietan; nazioartean, Valentzian, Madrilen eta Bartzelonan, Teamlabsen; TAZEBAEZen eta Florida Universitaria unibertsitatearen bidez. Aipatzekoak dira, hemen, Puebla eta Pueblako Universidad Iberoaméricana unibertsitatea. Helburua da STEAM (Science, Technology, Engineering, Arts & Mathematics) arloko gaitasunak sendotzea, ekintzaile gazteen taldekako proiektuetan, eragin hirukoitz baten (gizartekoa, ekonomiakoa eta ingurumenekoa) ikuspegitik eta garapen jasangarriaren eta baliabide mugatuak dituen mundu baten ikuspegitik. LEINNeko talde-ekintzaileek teknologia esponentzialen errealitatea ezagutzen ikasten dute, eta erabilitako arrakasta-faktoreak eta gakoak aztertzeko gai dira, tresna espezifiko nagusiak ezagutu eta erabiltzen jakiteaz gain, eta horiek industria eta sektore berrietan aplikatzen jakiteaz gain. Azken finean, programak teknologiari loturiko bokazioak eta asmo profesionalak inspiratu nahi ditu, jada ekintzailetzaren eta enpresaren eremuetan dauden pertsonengan.