Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Mondragon Unibertsitatea orientazio azoketan izango da datozen hilabeteotan
![Card image cap](https://www.tulankide.com/eu/mondragon-unibertsitatea-orientazio-azoketan-izango-da-hurrengo-hilabetetan/@@images/9a43683f-3119-4d97-9132-e9fa6a730bfb.png)
Urteroko ohitura jarraituz, Mondragon Unibertsitateak unibertsitaterako orientazio azoka desberdinetan hartuko du parte datozen hilabetetan.
Unitour, urtarrilaren 15ean
Lehendabiziko zita urtarrilaren 15ean izango da, Bilboko Euskalduna Jauregian, bertan burutuko baita Unitour azoka.
Topagune honetan beren etorkizun profesionala diseinatzen laguntzen zaie ikasleei, funtsezko bi gairen inguruan aukeraketa zuzena eginez: zer ikasi? non ikasi?
Estatuan, 600 ikastetxek baino gehiagok Unitour azokan jartzen dute beren konfiantza urtero; azoka honetan, aurkezten diren unibertsitateek –publikoek zein pribatuek– eskaintzen dituzten gradu guztien berri ematen da. Interesdunek gradu edo unibertsitate bakoitzaren inguruan jakin nahi duten guztiaren berri izaten dute, eta sarrerari, bekei, ikasketa planei, nazioarteko hitzarmenei eta praktika poltsei buruzko informazioa jasotzen dute, besteak beste.
Unibertsitate edo eskola desberdinak areto batean egongo dira, eta bakoitzak bere informazio mahaia izango du. Hala, ikasle, guraso zein orientatzaileek arreta pertsonalizatua jaso ahal izango dute, zuzeneko harremana, unibertsitate eskaintzaren inguruko zalantzak argitu ahal izateko.