Irakurriena
- 1. FIRST LEGO League Euskadi-MONDRAGON finala, boluntario bila
- 2. Orbik Cybersecurity, kooperatiba bihurtu den lehen start-up teknologikoa
- 3. 2024ko urtekaria: urtebete iruditan
- 4. Ministroen Kontseiluak LagunAro BGAEren berezitasuna onartu du
- 5. MONDRAGONek bisitarien errekorra hautsi du: 3.196 lagun 2024an
- 6. Kooperatiben Nazioarteko Urtea aztergai TU Lankide-ren azken zenbakian
- 7. ADI Data Center Euskadi bigarren zentroa eraikitzen hastera doa
- 8. "Finantzaketaz gain, MONDRAGONek bere ekosistemarako sarbidea ematen digu"
- 9. Euskara bizi-bizirik kooperatibetan
- 10. 10 proiektu saridun, 2024ko MONDRAGON TFG-TFM sarietan
MONDRAGON Global Innovation Day 2024 ekitaldian izan zen
Bilbon, Azkuna Zentroan, ospatu zen iragan astelehenean Innobasque agentziak antolatzen duen Global Innovation Day 2024. Antolatzaileen esanetan, Euskadin egiten den berrikuntzaren ekitaldirik handiena.
Askotariko ordezkaritza gerturatu zen bertara, administrazio publikoa zein enpresa pribatuko ordezkariak, berrikuntza eta teknologia garatzen duten zentroetako kideak, guztira 400 pertsonatik gora. Xabier Madariaga kazetariak aurkeztu zuen ekitaldia, saio dinamiko eta erakargarria.
MONDRAGON Korporazioko lehendakari Pello Rodriguez, Ikerlaneko zuzendari nagusi Ion Etxeberria, Eroskiko zuzendari nagusi Rosa Carabel, Eroskiko E-Commerce zuzendaria Mari Mar Escrig, Ondoan Taldeko Sergio Olabarrieta eta beste zenbait kooperatibetako kideak ere gerturatu ziren ekitaldira.
Eroski online, kasu praktikoetan
Ekitaldia Adimen Artifizialaren gainekoa izan zen eta, BAIC (Euskadiko Adimen Arifizialaren Zentroa) zein BCAMeko (Matematika Aplikatuen Euskal Zentroa) ordezkarien elkarrizketekin gozatzeaz gain, Adimen Artifizialean Euskal Herrian azken urteotan garatutako proiektuak bertatik bertara ezagutzeko aukera izan zen.
Hain justu ere, Mari Mar Escrig-ek Eroskik online zerbitzuan inplementatutako Adimen Artifiziala aurkeztu zuen auditorioaren aurrean.
