Irakaskuntza unibertsitate zentroa
Itzulpen zerbitzuak eta hizkuntza prestakuntza
Ekipamendu didaktiko teknikoa. Instalakuntza elektriko aurrefabrikatuak. Ikasketa eta lana txandakatuz.
Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
MONDRAGON Mexikoko Unibertsitatearen 10. urteurrena
![Card image cap](https://www.tulankide.com/eu/mondragon-mexikoko-unibertsitatearen-10-urteurrena/@@images/a492c7e8-be31-4c3b-afa1-6f1842d55526.jpeg)
Joan den astean, Querétaron (Mexiko), unibertsitatearen beraren instalazioetan, MONDRAGON Mexiko Unibertsitatearen (UMx) X. urteurrena ospatzeko ekitaldia egin zen. Bertan izan ziren, besteak beste, Mauricio Kuri Querétaro estatuko gobernadorea, Iñigo Ucín Korporazioko presidentea, Marijo Pagalday MONDRAGONeko Ingeniaritza eta Zerbitzuen Dibisioko presidenteordea, Zigor Ezpeleta MONDRAGONeko Gestio Sozialeko zuzendaria, Bixente Atxa Mondragon Unibertsitateko errektorea eta Arturo Alvarado UMx-eko errektorea.
Gobernadoreak baieztatu zuen UMxX Querétaroko goi-mailako hezkuntzaren esparruan erreferente gisa finkatu dela, eta estatuaren eta Mexiko osoaren garapen ekonomiko eta sozialari laguntzen diola. Eta azpimarratu zuen "MONDRAGON lankidetzak gizartean eragin positiboa nola eragin dezakeen erakusten duen adibide bat dela".
MONDRAGON Unibertsitatea Mexiko, gaur
“Gaur, bizikleta hark Euskal Herrira – Arizmendiarrietari erreferentzia eginez – ekarri zuen elkarlankidetzaren, nazioarteko ikuspegiaren eta produktibitatearen balioa ospatzen dugu, eta balio horiek Queretarora (Mexiko) iritsi izana. Zorionak hamarkada askotarako”, Alvarado errektoreak adierazi digunez.
UMx, gaur egun, etorkizun handiko errealitatea da, campus berrituarekin – 13.000 m2 baino gehiago eraiki dira 50.000 m2-ko lursail batean –; 2.000 ikaslerekin – % 75 gradutan – horietatik % 33 ingeniaritzak dira –; eta eskaintza honek 22 graduko programa, helduentzako 11 gradu, 12 unibertsitate-master eta doktorego 1 biltzen ditu. Aurreikuspenen arabera, 2028an 3.000 ikasle baino gehiago izango dira.
Hasiera batean MEIk, Mondragon Educación Internacional (Mondragon Unibertsitatearen eta Alecopen proiektua, MONDRAGON Korporazioaren partaidetzarekin) garatutako ekimena da, 2013an Mexikon 400 ikasle inguruko unibertsitate txiki bat (Unibertsitate Garaikidea, UCO) erosi eta bertako bazkide baten lankidetzarekin abiatuta. MONDRAGONek proiektu honen garapena bultzatu zuen Alecopen kudeaketaren eta MUk bultzatutako hezkuntza eredu berri baten bidez, gradu berriak (ingeniaritzak nagusiki) eta instalazio berriak gehituz.
Mondragon Lingua-Alecop
Mondragon Lingua eta Alecop kooperatibek 2022an bat egin ondoren, Mondragon Lingua-Alecop S.Coop kooperatiba berriak gehiengoa hartu zuen 2023an unibertsitate horretan, eta, horrekin batera, elkarlanerako esparru eta aukera garrantzitsuak sortzen dira. Beraz, bere kudeaketaren arduradun nagusia izango da, kooperatibarentzat eta nazioarteko talentua LATAMetik MONDRAGONek munduan dituen kokapenetara erakartzeko etorkizuneko proiektu oso garrantzitsu eta ilusionagarri gisa bilakatuta.