Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.
Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
MONDRAGON Gaia-X-ek hodeiko datuen azpiegituraren Europako proiektuan parte hartzen du
![Card image cap](https://www.tulankide.com/eu/mondragon-gaia-x-hodeian-dauden-datuen-azpiegitura-proiektu-europearrean-parte-hartzen-du/@@images/60d0a17f-bc79-4ef0-9f8b-fd64c3f25a3f.jpeg)
MONDRAGON modu aktiboan ari da lanean Gaia-X estandarraren hedapen eraginkorra lortzeko industria-sektorean. Duela gutxi, proposamen bat aurkeztu zen Gai Ekonomikoen eta Eraldaketa Digitalaren Ministerioan, Gaia-X-ko nodo espainiar bat eratzeko, urte amaierarako errealitate izango dena. Era berean, Eusko Jaurlaritzaren (Zientzia eta Teknologia Plana) bidez, maila globaleko konektagarritasun-teknologiak ikertzen ari dira, eta, zahatzago, Gaia-X bezalako teknologia batek euskal enpresa-sareari ekar diezazkiokeen onurak.
Gaia-X Europako proiektu bat da, eta enpresak, pertsonak eta erakundeak etorkizun digital irekia eta bidezkoa sortzen parte hartzera gonbidatzen ditu.
Gaia-X europar estandarra
Gaia-X-en arkitektura deszentralizazioaren printzipioan oinarritzen da. Eta estandar komun bati (Gaia-X estandarra) jarraitzen dioten plataforma indibidual askoren emaitza da Gaia-X. Azken emaitza ez da hodei bakarra, baizik eta sare-sistema federatua, gardena eta segurua, zerbitzu-hornitzaile asko batzen dituena, aplikazio berriak eta konfiantza-giroan datuak partekatzean oinarritutako balioa sortzeko.
Aplikazioak
Gaia-X teknologia hainbat aplikaziotan erabil daiteke, hala nola osagaien eta ekipoen trazabilitatean, balio-katearen eta karbono-aztarnaren ingurumen-inpaktuaren kalkuluan, kudeaketa-eragiketetan (kalitatea, eskaintza eta diseinua), instalazioaren eta biki digitalen deskribapena denbora errealean kontrolatzeko, edo ikaskuntza federatuko prozesuak abian jartzea, nazioarteko ezagutza-nodoak aprobetxatuz, adimen artifiziala aplikatzeko, besteak beste.
Zer da Gaia-X?
Datu-azpiegituraren hurrengo belaunaldirako proposamena: ekosistema digital irekia, gardena eta segurua, non hainbat eragilek datuak eta zerbitzuak eskuragarri, bilduak eta partekatuak izan baititzakete konfiantza-giroan. Amerikako edo Asiako enpresen nagusitasun teknologikoari aurre egin nahi dion ekimena da. Horretarako, datuak partekatzeko arkitektura bat sortu behar da. Bertan, enpresek eta herritarrek datuak bildu eta partekatuko dituzte, eta datuen kontrola mantenduko dute, emandako informazioarekin zer gertatzen den, non gordetzen den, zertarako eta zenbat denborarako.