Irakurriena
- 1. MONDRAGONeko Pertsonen Foroa egin zen Kursaalen
- 2. LagunArok 2024 ona itxi du eta sendotasunez begiratzen die etorkizuneko erronkei
- 3. Fagor Arrasatek altzairua mozteko lineak hornitu dizkio Mexikoko Termium handiari
- 4. LagunAroren etorkizuneko erronkak aztergai, TU Lankide aldizkariaren azken zenbakian
- 5. Danobatgroupek fakturazio marka hautsi du berriro 2024an, 344 M€ fakturatuta
- 6. Emakume kooperatibisten lidergoaren aitortza, M8an
Mondragon Assemblyk errekorra hautsi du 2024ko kirol erronka solidarioan

Mondragon Assemblyk berriro erakutsi du talde lana eta elkartasuna eskutik joan daitezkeela. Urteroko kirol erronkaren hirugarren edizioan, 40.000 km-ko muga gainditzea lortu dute, iaz baino 10.000 km gehiago egiteko langa jarri, eta azkenean taldeko filial guztietako langileek egindako 47.609 km-ekin errekor berria ezarrita. Erronka horrek, erakundearen barruan jarduera fisikoa eta talde espiritua sustatzeaz gain, kausa solidarioen alde aletxoa emateko ere balio izan du.
Irabazleak eta beren dohaintza solidarioak
Aurten, filial irabazlea Mondragon Assemblyk Chicagon duen egoitza izan da. Euren ahaleginarekin, lehen postua eta 5.000 euroko saria lortu zuten, filialak hala aukeratuta Tutoring Chicago erakundeari emateko. Erakunde horrek hezkuntza-laguntza ematen die egoeran zaurgarrian dauden haurrei.
Bigarren tokian Queretaroko (Mexiko) filiala gelditu da, eta 3.000€ jaso ditu Nens de Llum fundazioari emateko, garuneko kaltea duten haurrentzako arreta zentro bati, hain zuzen ere.