Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Merkataritza-berrikuntzarako bederatzi proposamen aurkeztu dituzte Market Berri programaren baitan
![Card image cap](https://www.tulankide.com/eu/merkataritza-berrikuntzarako-bederatzi-proposamen-aurkeztu-dituzte-market-berri-programaren-baitan/@@images/e21d1b27-9d78-4f6a-90f0-b174983cde60.jpeg)
Euskadiko enpresetan merkataritza-berrikuntza sustatzeko Market Berri programaren aurtengo edizioa amaitutzat eman da. Mondragon Unibertsitateak Mondragon Team Academyren bitartez abian jarritako ekimena, Turismo, Merkataritza eta Kontsumo Sailak babestua, bederatzi ekimen ekintzaileren aurkezpenarekin amaitzen da, hilabete hauetan zehar beren ideiak garatzeko mentoriak eta aholkularitzak jaso dituztenak. Ekitaldia Oñatin egin da, eta bertan izan dira Lander Beloki, Mondragon Unibertsitateko Enpresagintza Fakultateko dekanoa eta, Elena Moreno, Eusko Jaurlaritzako Merkataritza zuzendaria.
Egitasmoaren helburua da euskal enpresen lehiakortasuna eta nazioarteko proiekzioa bultzatzea
Programaren garapena berrikuntza, enpresen sorrera eta talde ekintzaileen garapena sustatzeko beharretik sortu da, bai Europa mailan, bai mundu mailan. Horretarako, hilabete hauetan Market Berri ekimena jarri da ikasleen eskura, euskal enpresen lehiakortasuna eta nazioarteko proiekzioa bultzatzeko.
Hautatutako proiektuak
Hautatutako bederatzi proiektuak Oñati, Irun eta Bilboko laborategietako LEINN Graduko (Lidergo Ekintzaile eta Berrikuntza) 2., 3. eta 4. mailako ikasleek garatu dituzte, eta horrek guztiak merkataritzarako ikuspegi berritzaileak islatzen ditu. Horien artean, honako hauek nabarmentzen dira:
- Adimen artifizialean oinarritutako "irudiak bilatzeko motorrak", online aurkitutako erreferentzietatik abiatuta tokiko dendetan produktuak aurkitzea errazten dutenak.
- "Merkataritzari metabertsoa aplikatzea", ingurune birtualetan erosketa-esperientzia berriak sortuz.
- "Iraunkortasuna eta ingurumen-kontzientzia", ekitaldiak eta lehiaketak antolatuz, ingurumen inpaktua eta kontzientzia sortzeko hainbat eragilerekin elkarrekin sortuz.
- "Saltokien eraldaketa digitala", bezeroen eta denden arteko elkarreragina errazten duten abatar desberdinak erabiliz.
- "Akonpainamendu digitaleko plataformak", tokiko merkataritzaren eskaintza erraz eta ulergarri egiten dutenak.
- "Tokiko erosketetarako rider-zerbitzuak", adinekoei, mendeko pertsonei eta beste erabiltzaile batzuei tokiko produktuak eskuratzea erraztuz.
- "Dendetan aisialdiko esperientziak sortzea", tokiko merkataritzaren eta herriaren historiarekin lotutako erronkei irtenbidea emanez.
- "Belaunaldi-erreleboa negozioetan", "matching" eginez beren negozioa erretiroagatik eskualdatu nahi duten merkatarien eta ekintzaile gazteen artean.
- "Erosketa-esperientzien gamifikazioa", pelikuletan oinarritutako dinamiken bidez merkataritzarekin elkarreragiteko modu berri bat eskainiz.