Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Leire Mugerza: “Nire indar eta ilusio guztia jarriko dut MONDRAGON den itsaso zabal hau osotu eta hobetzeko, tantaz tanta”
Ohorea, ilusioa, konpromisoa, ardura... dira Leirek sentitzen dituen sentsasio eta bizipenak, Kongresuko eta Batzorde Iraunkorreko presidente kargua hartu eta egun gutxira.
Elkarrizketan ideia asko aztertu ditugu berarekin: nola hartzen duen kargua, zeintzuk izango diren bere funtzioak, etorkizunerako erronkak, MONDRAGONeko kooperatibei helarazi nahi dion mezua...
Asko dira berak goraipatu nahi izan dituen kontzeptu eta ideiak: pertsonen balioa, berdintasuna, kooperatiba desberdinak baina lotura sendoarekin, jatorria ezagutu etorkizuna eraikitzeko...
Testuinguru hau aprobetxatuta, kooperatiben sortzailea ere izan du gogoan, Arizmendiarrieta. "Ezagutzen nauzuenok, badakizue ahal dudan guztietan aipatzen ditudala bere esaldi eta pentsamenduak, horiek gaur egun ere duten balioaz pentsatzen dudalako" baieztatu du.
Ibilbide kooperatiboa
Leire Mugerzak azaldu bezala, kooperatibetan egin duen ibilbideari esker sentitzen da kooperatibista. Izan ere, ibilbide luzea egin du Ingeniaritza Mekanikoko ikasketak egin zituenetik Mondragon Unibertsitatean. Ondoren, 1998an Eikan (Etxebarria, Bizkaia) hasi zuen bere karrera profesionala, eginkizun desberdinak betez. “Beti aipatzen dut Eikan egin nintzela kooperatibista" dio.
Korporazioko industria arloko kooperatiba horretan hainbat eginkizun betetzeko aukera izan zuen, eta Eika Taldeko Kalitate eta Sistemetako zuzendaritzan finkatu zen. Kargu horrekin batera Kooperatibako Kontseilu Errektoreko presidentea ere izan zen.
2008an Lea Artibai Ikastetxea kooperatiban jarraitu zuen bere jardun profesionala. Ikastetxea MONDRAGONeko jakintza arloaren barruko kooperatiba da, eta kooperatiba horretan dihardu gaur egun. 2012tik, ikastetxeko zereginekin batera Eroski kooperatibako Kontseilu Errektoreko presidentea ere bada, hango bazkide kontsumitzailea baita. Kargu hauetan jarraituko du, gaur hartu duen lehendakaritzarekin batera.