Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Leintz Bailarako Ekiola, apirilaren bukaerarako prest
Leintz Bailarako Ekiola kooperatibak joan den abenduan amaitu zuen eguzki plaken instalazioa.
Instalazioa eginda dute dagoeneko eta parkean sortuko den energia elektrizitatea banatzeko sare orokorrean injektatzea ahalbideratuko duen konexioa martxan jartzeko zain daude orain; apirilaren bukaerarako espero dute kooperatibako erabiltzaileek etxeko elektrizitatea eguzkienergia bidez sortutakoa izatea.
Hala, Leintz Bailarakoa izango litzateke energia ekoizten hasiko litzatekeen Ekiolak sustatutako hirugarren energia kooperatiba. Arabako Ekiola Mendialdea izan zen lehenengoa, 2023ko azaroan jarri zen martxan; Azpeitiko Ekindar izango da bigarrena, dagoeneko frogetan hasita daude; eta Leintz Bailarakoa izango da hirugarrena.
Azpeitiko kooperatibari dagokionez, dagoeneko frogak martxan dituzte eta apiriletik aurrera 550 familia inguruk Ekiola bidez jasoko dute elektrizitate-hornidura.
Datozen proiektuak
Beste bi instalazio eraikitzen ari dira Araban, Agurainen eta Zigoitian. Eta, aurreikuspenen arabera, Lea Artibain eta Zumaian ere berehala hasiko dira lanean. Horiez gain, 2024a bukatu baino lehen Urretxu eta Galdakaoko proiektuak abiatzea da asmoa.
Aipatzekoa da CE Implementa programaren bidez komunitate energetikoak sortzeko lehenengo deialdian 4,5 milioiko diru laguntza lortu zutela Ekiolako sustatutako kooperatibek eta bigarren deialdian, 8 milioikoa. Diru laguntza hauek kooperatibeko kideen hasierako ekarpenaren murrizpenean eragin zuzena dute.