Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Leartiker zentro teknologikoak laugarren "Polymers and Medical Aplications" jardunaldia antolatu du
![Card image cap](https://www.tulankide.com/eu/leartiker-zentro-teknologikoak-laugarren-polymers-and-medical-aplications-jardunaldia-antolatu-du/@@images/626f8df6-e154-4f09-a8ef-9cee9207978b.jpeg)
Bihar, apirilak 22, ostirala, goizeko 9:30eatik aurrera Markina-Xemeingo Berrikuntza Gunean "Polymers and Medical Aplications" jardunaldia burutuko da. Bertan, hainbat arlotako profesionalak eta adituak bilduko dira polimeroek eta teknologia berriek osasunaren arloari eskaintzen dizkioten aukerak aztertzeko. Ekitaldia Leartiker ikerguneko Health Unit-ek antolatu du eta laugarren edizio honetan Eusko Jaurlaritzaren Osasun arloko Ikerkuntza eta Berrikuntza Estrategia (Innosasun programa) bertatik bertara emango da ezagutzera.
Aurten sektoreko ikerketan aitzindariak eta punta-puntakoak diren zenbait erakundek parte-hartuko dute
Ekitaldi berritzaile honen helburu nagusia da polimeroek eta teknologia berriek osasunaren arloan eskaintzen dituzten aukerak argitzea. Aurten sektore honetako ikerketan aitzindariak eta punta-puntakoak diren Bioef, CiC biomaGUNE, Ultrasion, Kraiburg eta BTI Biotechnology Institute bezalako enpresek eta erakundeek hartuko dute parte.
Bestalde, oinarrizko ikerketa industria-sektorera transferitzearekin lotutako gai espezifikoak, injekzio konbentzionalarekin alderatuta ultrasoinu bidezko injekzioaren abantailak, termoplastiko elastomeroen inguruko azken aurrerapenak eta osasun arloan 3d inprimatzeko material konposatuen garapena ere landuko dira.
Health negozio-unitateko arduradun den Ane Miren Zaldua doktorearen hitzetan, bertaratuentzako oso gai baliagarriak aurkeztuko dira ekitaldi honetan.
Biomedikuntzaren sektorea: etorkizuneko erronka Markina-Xemeingo zentroarentzat
Leartikerren plan estrategikoaren helburua da teknologia-gunearen ikerketa-bolumenaren % 30 biomedikuntzaren sektorearekin erlazionatua egotea 2020an. Sektore horretan, Leartikerren ikerketa balio erantsi handiko medikuntza-gailu berriak garatzera bideratua dago. . Helburu hori lortzeko hainbat akordio sinatu dira zenbait enpresekin, unibertsitaterekin eta erakunde europarrekin.
Horrela, gaur egungo medikuntzan erabiltzen diren sistemak eta tresnak hobetzen lagunduko duten material polimeriko berriak aztertzen ari dira.
Ekitaldian parte hartzea doakoa da eta izen-ematea www.leartiker.com webgunean egin daiteke zuzenean. Plazak mugatuak dira.