Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
16 latinoamerikarrek Ekonomia Solidarioan Garapenerako Kudeaketa Ekonomiko eta Sozialen ikastaroa egingo dute
Abian da, Mondragon Unibertsitateko Aretxabaletako campusean, Ekonomia Solidarioan Garapenerako Kudeaketa Ekonomiko eta sozialean Espezializazio Diploma. Oraingo edizioan, Latinoamerikako zortzi herrialdetatik etorritako 16 lagunek egingo dute ikastaroa. Ikastaroa antolatu dute Humanitate eta Hezkuntza Zientzien Fakultateko Lanki Kooperatibagintza Ikertegiak eta Alboan Fundazioak.
Ikastaroa aurkeztu dute: Humanitate eta Hezkuntza Zientzien Fakultateko dekano Begoña Pedrosak, Ainara Udaondo Lanki Kooperatibagintza Ikertegiko arduradunak, Mary Tere Guzman Alboan Fundaziokoak, Unai Elkoro Aretxabaletako alkateak eta Enma Galladro Peruko CIPCA erakundetik ikastarora etorritako ikasleak.
Ikastaroaren helburu nagusia da eskaintzea baliabideak Latinoamerikako ekonomia sozial solidarioan aritu diren erakundeei euren ekimenak sendotu eta bideragarri egin ahal dezaten.
Ikastaro honen bidez, kudeaketa ekonomikoa eta soziala zein genero-ekitatearen arloan, hainbat konpetentziak garatuko dituzte Bolivia, Kolonbia, Peru, Ekuador, El Salvador, Mexiko, Paraguai eta Nikaraguatik etorritako parte-hartzaileek.
Latinoamerikako zortzi herrialdetatik (Boliviatik, Kolonbiatik, Ekuadorretik, Perutik, El Salvadorretik, Mexikotik, Paraguaitik eta Nikaraguatik) datozen 16 ikaslek egingo dute ikastaroa Aretxabaletako campuseko ikasgeletan, martxoaren 23ra arte. Ondoren, ikastaroan ikasitakoa beren herrialdeetan jarriko dute praktikan. Horiek batik bat elkarteetan eta indigenekin proiektu solidarioetan lan egiten dute.
Ikastaroan parte hartuko duten ikasleek lan-esperientzia eta proiektu desberdinak sustatuko dituzte. Batzuk bakarrik aipatzearren: ezti-ekoizpena Bolivian, cuye izeneko sagu-motaren hazkuntza Perun, baserritarrekin lan egiten duen kafe-ekoizleen gizarte-enpresa bat Kolonbian, nagusiki emakumeekin eta errefuxiatuekin lan egiten duen zapata-lantegia Ekuadorren, indigenekin lan egiten duen artisau-xaboien ekoizpena Mexikon…
Eusko Jaurlaritzako Garapenerako Lankidetzaren Euskal Agentziak diruz lagundu du ikastaroa hau; gainera, proiektuaren laguntzaileak dira Aretxabaletako Udala, Mundukide Fundazioa eta y Arizmendiarrietaren Lagunak Elkartea