Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Lasterketa bat baino askoz gehiago
![Card image cap](https://www.tulankide.com/eu/lasterketa-bat-baino-askoz-gehiago/@@images/7e6a1467-f6d8-468a-8604-9dce79a30fa4.jpeg)
32 taldek parte hartu dute Mundukide Fundazioak antolatzen duen laugarren lasterketa solidarioan, gehienak MONDRAGON Korporazioko kooperatibetako ordezkariak. Gainera, beste ehun bat lagunek oinezko ibilbidea egiteko aukera izan dute, horietatik askok nordic walking modalitatean. Aurtengo edizioan eguraldi bikaina eta lasterkarien arteko giro ederra izan dira protagonista nagusiak. Guztira, 200 lagun baino gehiagok parte hartu dute lasterketa eta oinezko zein nordic walking modalitateetan.
Kirol arloari dagokionez, Fagor Ederlan Tafallako taldea izan da azkarrena, bigarren urtez jarraian. Gizon eta emakumeek osatutako taldeei dagokienez, Copreci izan da irabazlea, baita emakumezko taldeen kategorian ere. Nordic walking modalitatean egin dutenen artean, Athlon kooperatibako kideak izan dira azkarrenak helmugaratzen.
Fagor Ederlan Tafallako taldea helmugara iritsi den unea.
Fagor Electronica, Ulma, Copreci, LagunAro eta Athlon kooperatibek izan dute parte-hartzerik ugariena.
Asko izan dira hiruko taldea osatzerik izan ez duten kooperatibak, baina beste askok talde bat baino gehiago osatu dituzte gaurkoan. Partaidetza ugariena eraman duten kooperatiben artean Fagor Electronica, Copreci, Athlon, LagunAro eta Ulma azpimarratu daitezke. Era berean, LKS, Sareteknika, Ikerlan, Mondragon Unibertsitatea, Goiena, MONDRAGONen zentro korporatiboa, Ecenarro, Zenbaki, Osarten, Fagor Taldea, Emun, Dikar... eta beste asko ere gerturatu dira Urkulura eta ordezkaritza polita izan dute.
Festa solidarioa
Kirol arloaz eta kooperatiben arteko leihakortasun sanoaz gainera, lasterketa solidarioaren helburu nagusia da kooperazio kooperatiboa sustatzea, bereziki Mundukidek munduan dituen proiektuetan; Brasilen, Mozambiquen eta Colombian.