Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
LANA kooperatibak normaltasuna berreskuratu du
![Card image cap](https://www.tulankide.com/eu/lana-kooperatibak-normaltasuna-berreskuratu-du/@@images/9b4f48d4-4a2e-4747-9892-b2e2cf3734e0.jpeg)
Iragan ostegunean, abuztuaren 22an, arratsaldeko seiak aldera alarma guztiak piztu ziren Oñatiko Lana Kooperatiban. Sute batek normaltasuna hankaz gora jarri zuen. Lantegi kanpoaldean dagoen serrautza biltegi batek su hartu zuen eta su garrek berehala hartu zuten indarra.
Biltegian serrautza prozesatu egiten da, hautsa kentzen zaio serrautzari eta pellet-a sortzeko erabiltzen du Lanak gaur egun, serrautzari bestelako etekina ateraaz. Hala, oraindik aztertzen ari diren arrazoiengatik, biltegiak su hartu zuen.
Zorionez, segurtasun neurriak ondo aktibatu ziren eta denak ondo baino hobeto funtzionatu zuen, baita suhiltzaileen interbentzio azkarrak ere. Hala, sua itzali bezain pronto, LANAko mantenuko langileak eta beste zenbait bazkide lanean hasi ziren, jo eta ke, ahalik eta azkarren lantegiak normaltasuna berreskuratu zezan.
Gaur normaltasunez lanean
Kalte ekonomiko arinak eragin ditu suteak eta gaur bertan makina guztiak normaltasunez piztu dituzte eta produkzioa sute aurreko maila berean ari zen. LANA kooperatibako ordezkariek esan digutenez, 'ikusgarria bai, baina zorionez, ez da ez kalte material larririk ez kalte pertsonalik izan'.