Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Laboral Kutxaren eta Raiffeisen Bank International bankuaren arteko hitzarmena sinatu da, enpresak finantzatzeko
![Card image cap](https://www.tulankide.com/eu/laboral-kutxa-eta-raiffeisen-bank-international-bankuaren-arteko-hitzarmena-sinatu-da-enpresak-finantzatzeko/@@images/0d1856c0-bcae-4819-bd71-f43f4c1e58ea.jpeg)
Laboral Kutxarekin ituna sinatu duen entitatea, RBI, Raiffeisen Zentralbank Österreich AG (RZB) bankuaren nazioarteko filiala da. Hori Austriako lehen banku kooperatiboa da, herrialdeko entitaterik hedatuena. 1862. urtean sortu zen, eta 1.700 sukurtsal ditu Austrian, 8.400.000 biztanle dituen herrialde batean.
1986an, nazioarteko merkatuak eskaintzen zituen aukerak ikusita, RZB matrizeak Raiffeisen Bank International sortu zuen. Hain zuzen, entitate horrekin sinatu du LABORAL Kutxak hitzarmena. Gaur egun, RBIk presentzia handia du 15 herrialdetan, Erdialdeko Europa osoa eta Ekialdeko herrialdeak barne hartuta, hots, Austriatik hasi eta Errusiako ekialderaino.
Non dihardu RBIk:
* CEEko (Cetral and Eastern Europeko) 15 herrialdetan, banku subsidiarioen bidez.
* 3.000 sukurtsal ditu.
* 59.000 langile.
* 14,4 milioi bezero.
Erdialdeko Europako merkatua eta, batez ere, Ekialdeko Europakoa oso garrantzitsua da EAEko eta Espainiako ETE-entzat, bai inportazio-esportazioak egiteko, bai herrialde horietan produkzio-filialak ezartzeko.
Hala, ikus daitekeenez, multilokalizazioa aukeratu duten 100 enpresatik 13k ekialdeko herrialdeetan ezartzea erabaki dute. Izan ere, Polonia, Ukraina, Errumania edo Errusia, adibidez, etengabe ari dira hazten, eta, dagoeneko, 320 milioi biztanle eta 3,8 bilioi dolarreko (USDko) BPGa dute.
Aliantza horri esker, LABORAL Kutxako bezeroek banku-solaskide zuzena izango dute helmugako herrialdeetan.
Akordio hori LABORAL Kutxak enpresen nazioartekotze-prozesuan laguntzeko finkaturiko politikaren barruan kokatu beharra dago, eta erantsi egiten zaie dagoeneko emaitzak ematen ari diren beste akordio batzuei, hala nola, Frantziako Crédit Coopératif eta AEBko Natonal Cooperative Bank erakundeekin sinatutakoei.