Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Kooperatiben nazioarteko urtea ospatzeko bideoklipa egingo du Konfekoop erakundeak
![Card image cap](https://www.tulankide.com/eu/kooperatiben-nazioarteko-urtea-ospatzeko-bideoklipa-egingo-du-kofekoop-erakundeak/@@images/1ac4db65-fb97-496e-abbd-9f1c4e6135c8.jpeg)
2012 Kooperatiben Nazioarteko Urtea izendatu zuen Nazio Batuen Erakundeak eta urtemuga ospatzeko hamaika ekitaldi antolatu ditu Konfekoop erakundeak aurten. MONDRAGON Korporazioa ere kooperatibismoaren gaineko urtea sustatu guran aritu da handik eta hemendik, eta bi erakundeek elkarlanean Arteman Komunikazioa Koop. Elkarteari eskatu zioten bideoklip bat egiteko, urteurrenak merezi zuelako.
Oier Sarasua eta Aitor Ziardegi, txalaparta jotzen.
Bideokliparen zuzendari artistikoa Jon Sarasua da, eta berak sortu du kantua ere. Musika, berriz, aretxabaletako musikari Aitor Ziardegi eta Oier Sarasuak egin dute eta Oñatiko Ganbara Abesbatzak kantatu du estudioan.
Aitor Ziardegi eta Jonan Ordorika teknikaria.
Katarain estudioan bi egunez
Abestia Katarain estudioetan grabatu da iragan asteburuan, Azkaraten (Nafarroa), eta bideoklipa muntatzeko irudiak ere bertan grabatu dira, nahiz eta irudi gehiagorekin osatuko den bideoa. Asmoa da mundu guztira hedatzea kooperatibismoa, balizko eredu gisa, kooperatibismoak mundu hobea eraikitzen laguntzen duela helaraziz. Hain justu ere, hori da bideokliparen helburu nagusia. Artemanek lana koordinatu eta zuzendu du, grabazioak egin eta post-produkzioaz arduratuko da.
Aitor Biain, Ganbara Abesbatzako zuzendaria.
Hamabost hizkuntza
Oñatiko Ganbara Abesbatzako hamabost bat lagunek parte hartu dute kantuaren grabazioan. Euren ahotsak mundu guztira hedatuko dira kantuaren bitartez. Abestiaren interpretazioa eta grabazioa teknikoki oso konplexua izan da, besteak beste, 15 bat hizkuntzatan grabatu delako, eta hizkuntza batzuk interpretatzeko oso zailak izan dira.
Ganbara Abesbatzako bi abeslari, grabazioan.
Bideoklipa azaroaren 11n estreinatuko da Durangon, Landako gunean egingo den kooperatibismoaren jai handian.