Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Kooperatibek 80 kilometro Korrikan
![Card image cap](https://www.tulankide.com/eu/kooperatibek-80-kilometro-korrikan/@@images/2324cbdd-2b4e-48c9-94b5-97d1c31e26ca.png)
Korrikaren 22. edizioa martxoaren 31n Amurrion hasi eta apirilak 10ean Donostian amaituko da eta MONDRAGONeko kooperatibek 80 kilometro baino gehiago erosi dituzte. Halaber, diru ekarpenak egin dituzte Korrika eta bere xedea den euskararen normalizazioa babesteko. Gainera, Korrikaren inguruan denetariko jarduerak egingo dira, eta egiten ari dira dagoeneko, kooperatiba askotan.
Euskara planak
Korrikaren xedearekin bat egiten duten ekimenak babestetik harago, MONDRAGONeko 60 kooperatibak euskara planak dituzte, euskararen iraunkortasuna helburu. Horrenbestez, hizkuntzen kudeaketan modu profesionalean jardunez, laneko beste hizkuntzen artean euskarak bere lekua izatea bermatzen dute.
Korrikaren xedearekin bat egiten duten ekimenak babestetik harago, MONDRAGONeko 60 kooperatibak euskara planak dituzte, euskararen iraunkortasuna helburu.
Korporazioak lankideen parte hartzea, sortze kolektiboa eta inklusibitatea ardatz duten euskara planak sustatzen jarraituko du bere kooperatiben artean, bere ingurunearen eraldaketa sozialarekin konprometiturik, lanaren bitartez euskararen iraunkortasuna bermatzeko.
Horretarako, 2021-2024 epealdiko politika sozio-enpresarialen artean, kooperatibetan euskararen ezagutza eta erabilera indartzeko bideak urratzeko zeregina du jasota MONDRAGONek.
Horrenbestez, hezkuntzatik lan mundura salto egiten duten ikasleek beraien hoberena emateko ere prestatuta daude kooperatibak, euskaraz ere ikasi dutenei euskaraz ere lan egiteko aukera eskainiz eta hizkuntza eta kultura ezberdinetako hiztunen bizikidetza sustatuz.
Bidali zuen argazkiak!
TU Lankidek jarraipena egingo dio Korrikari eta kooperatiben parte hartzea jasotzeko, hauxe proposatzen dugu: bidali zuen argazkiak helbide honetara, argazki galeria sortzeko eta ondorengo balorazioa egiteko: tulankide@arteman.org