Kooperatibagintzan ezagutza sendotzen

Etxetresna elektrikoetarako osagaiak

Egosketa elektrikorako irtenbideak

Automatizazio produktuen garapena eta fabrikazioa eta makinaria kontrola

Automozio osagaiak

Erdieroaleak eta TB analogikoa eta digitala hartzeko sistemak

Kooperatibisten babes soziala

Irakaskuntza unibertsitate zentroa

Nazioarteko enpresa taldea.

Urriaren 8an hasi eta uztailaren 8an eman zitzaion amaiera Koopetatibagintzan Aditu Tituluaren 14. edizioari. Ikasturte honetan, 11 kooperatiba ezberdinetako 18 lagunek hartu dute parte Mondragon Unibertsitatearen Eskoriatzako campusean egin den ikastaroan.

2022/07/11

Merezitako amaiera eman zioten iragan ostiralean Kooperatibagintza Aditu Tituluaren 14. edizioari. Ikasle eta irakasle, kooperatibetako ordezkariak, eta beste zenbait lagun batu ziren Eskoriatzako Campusean. Proiektuen aurkezpenak eman dio, beste behin, amaiera Aditu Tituluari. Askotariko proiektu eta gaiak, eta noski, askotarikoak izan dira landutako arlo kooperatiboak.

Lehenengo ediziotik, oso parte-hartze handia izan du Kooperatibagintzan Aditu Tituluak. Honezkero, 40 kooperatibetatik etorritako 280 ordezkari baino gehiagok hartu du parte aurreko edizioetan

Ikastaroak bi fase izan ditu: lehenengo zatia baliatu zuten kooperatibismoari buruzko eduki teoriko-praktikoak lantzeko. Bigarren zatia, aldiz, erabili dute ikasitakoa praktikan jartzeko eta proiektu errealak egiteko.

Edizio honetan, kooperatiba hauetako ordezkariek izango dira Kooperatibagintzan ikastaroan: Fagor Automation, Lagunaro, RPK, Eika, Fagor Electronica, Copreci, Ulma Packaging, Maier, Fagor Ederlan, Fagor Industrial eta Ulma Cye.

Ikastaroaren helburuak

Errealitate kooperatiboa ulertu eta aztertzeko ikasleari ezagutza teoriko-praktiko sendoa ematea, kooperatiben proiektu sozio-enpresarialaren garapenerako ezagutza eta erremintak eskaintzea, kooperatiba ezberdinetako partaideen artean gogoeta bultzatzea eta praktiken elkartrukerako abagunea sortzea, kooperatibaren proiektu sozio-enpresariala indartzeko proiektu praktiko bat garatzea.

Lehenengo ediziotik, oso parte-hartze handia izan du Kooperatibagintzan Aditu Tituluak. Honezkero, 40 kooperatibetatik etorritako 280 ordezkari baino gehiagok hartu du parte aurreko edizioetan.