Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Komunikazioaren erronkak: Estrategia, krisia eta jasangarritasuna
![Card image cap](https://www.tulankide.com/eu/komunikazioaren-erronkak-estrategia-krisia-eta-jasangarritasuna/@@images/442f2bf7-9a56-480e-bd38-4ac5554aec88.png)
Edizio berria presentziala izango da, bertatik bertara egingo da Basque Culinary Center-eko areto nagusian eta aurtengoan, aurreko edizioekin alderatuta, ez da zuzeneko seinalerik izango. Komunikazio estrategiaren erronkak aztertuko dira, bereziki krisi egoeratan bideratzen direnak eta jasangarritasunaren 'makro-arloari' lotutakoak.
Goizeko 9:30ean hasiko da Iñigo Ucin, MONDRAGONeko Batzorde Orokorreko presidentearen ongietorriarekin. Ondoren, Helena Resano, Atresmediako kazetari eta aurkezleak hartuko du hitza. Resanok komunikazioaren balioez hitz egingo du.
Komunikazio foroa interkooperazio espazio bat da non MONDRAGON Korporazioan dauden kooperatibetako Komunikazio eta Marketin arduradunek parte hartzen duten
Kafearen ondoren Miguel Lopez Quesadaren txanda izango da. Gestamp-eko komunikazio zuzendari eta DIRCOMeko presidenteak krisia eta komunikazio izango ditu hizpide bere hitzaldian. Eta bigarren ponentziaren ondoren mahai inguru bat egingo da, Pili Kalzada kazetari eta Linking Ideas-eko bazkideak moderatuta. Besteak beste, mahai inguruan Alejandro Martinez Berriochoa, Eroski Fundazioko zuzendari nagusia; Aritz Otxandiano, Fagor Taldeko Jasangarritasun eta Komunikazio zuzendaria; Adriá Gelabert, Anthesis Lavolako Merkatu zuzendaria; eta Patricia Gutierrez, Basque Culinary Center-eko Komunikazio eta Marketin zuzendaria izango dira.
Izen-ematea
Komunikazio foroa interkooperazio espazio bat da non MONDRAGON Korporazioan dauden kooperatibetako Komunikazio eta Marketin arduradunek parte hartzen duten. Lehenengo edizioa 2018ean egin zen, eta ordutik, edizioz edizio komunikazioaren esparru zabalean dauden arlo ezberdinak aztertu dira, etorkizuneko erronkak eta egungo estrategiak, MONDRAGON barneko adituekin zein kanpokoekin. Aurtengo edizioan izena eman nahi duenak, honako helbide elektronikoan du aukera.