Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Josu Urrutiak ordezkatuko du Mikel Gantxegi Mundukide Fundazioaren zuzendaritzan
![Card image cap](https://www.tulankide.com/eu/josu-urrutiak-ordezkatuko-du-mikel-gantxegi-mundukide-fundazioaren-zuzendaritzan/@@images/8fb690d9-eb6b-40da-8a22-f66250ac0405.jpeg)
Mundukide erakundea ere gertutik ezagutzen du, izan ere, 2009tik kolaboratzen du erakundearekin. Brasilgo Paranako Programan sei hilabeteko egonaldia egin zuen eta ondoren Euskal Herritik ekimen desberdinetan parte hartu du. TU lankidek Josurekin hitz egiteko aukera izan du.
“Mundukidek sinergiak bilatu behar ditu eta guztion artean zor dezakeen energia bideratu behar du”
Josu Urrutia, Mundukide Fundazioko zuzendaria
1.-Zeintzuk dira zure asmoak datozen urteotarako?
Azken sei urte hauetan Mundukideren lan egiteko modua finkatu egin da, barne funtzionamendua eta lan prozesuak garatuz. Horrela, proiektu kopurua handitu da eta kalitatek ere gora egin du, 2009-2012 epealdiko plan estrategikoan zehaztutakoa ia osotasunean beteaz. Aurrerantzean, ezarritako oinarri sendoak abiapuntutzat hartu eta 2013-2016 Plan Estrategiko berria diseinatuko dugu.
2.- Zein arlo jorratuko dituzue plan horretan?
Honako hauek izango dira gogoetarako puntu garrantzitsuenak: Krisi garaian Mundukideren finantziazioa bermatzea, ohiko iturriez gain bide berritzaileak bilatuz; Mundukidek, kooperatibekin eta beste hainbat erakunderekin osatzen duen interkooperazio sarea sendotzea eta edukiak kanpoko proiektuetan garatzea; Mundukide eta sare kooperatiboaren arteko ezagutza eta elkarlana bultzatzea; eta langileen parte hartzea bultzatzea Mundukideko patronatuan.
Mikel Gantxegik bere ibilbide profesionala beste kooperatiba batean jarraituko du.
3.- Erakunde berezia zuzenduko duzu.
Mundukidek indar berezia dauka. Egiten duen lankidetza lana, talde handi baten ekarpenetan oinarriturik dagoelako; kooperatibak eta kooperatibetako bazkide zein langileak, Mondragon Unibertsitateko irakasle eta ikasleak, boluntarioak, bailarako GGKEak eta beste hainbat erakunde. Sinergia eta energia askoko puntu bihurtzen da.