Finantza eta aseguru zerbitzuak.
Irakurriena
- 1. MONDRAGONeko Pertsonen Foroa egin zen ostiralean, Kursaalen
- 2. LagunArok 2024 ona itxi du eta sendotasunez begiratzen die etorkizuneko erronkei
- 3. Fagor Arrasatek altzairua mozteko lineak hornitu dizkio Mexikoko Termium handiari
- 4. LagunAroren etorkizuneko erronkak aztergai, TU Lankide aldizkariaren azken zenbakian
- 5. Danobatgroupek fakturazio marka hautsi du berriro 2024an, 344 M€ fakturatuta
- 6. Emakume kooperatibisten lidergoaren aitortza, M8an
Joseba Madariaga, UNICEFeko presidente berria Euskadin
Joseba Madariaga ekonomialari eta akademikoa izendatu dute UNICEF Euskadi Batzordeko presidente, Isidro Elezgarairen ordez. Azken horrek zortzi urteko agintaldia amaitu du.
Erakundeak adierazi duenez, Madariaga Ekonomia eta Enpresa Zientzietan doktorea da eta Deustuko Unibertsitateko Ekonomia eta Finantza Saileko katedraduna. Laboral Kutxako Azterlanen zuzendaria ere bada, eta Euskadiko Ekonomia eta Gizarte Arazoetarako Batzordeko kidea 2019tik. Joseba Madariaga Unicef Euskadi Batzordean sartu da, mundu osoan haurren eskubideak defendatzeko eta sustatzeko asmo irmoarekin.
"Ilusio handiz hartzen dut erantzukizun berri hau, haur eta nerabeekin dugun konpromisoaren zabalkundeari nire ekarpena egiteko asmoz. Euskadiko ikastetxeekin eta udalerriekin egiten ditugun Haurren Eskubideen eta Haurren Lagun Diren Hirien Hezkuntzako programetan jarri nahiko nuke arreta, baita euskal gizarteko sektore guztiekin harreman sendoen sare bat ehuntzean ere, haurren eta nerabeen eskubideen defentsa eta sustapena errealitate bihurtzeko", adierazi du.
Madariagak Isidro Elezgarai ordezkatuko du presidente karguan, azken zortzi urteetan lan hori egin baitu. UNICEF Espainiak eskerrak eman dizkio kargua uzten duen presidenteari haurren alde egindako lanagatik.
Finantza eta aseguru zerbitzuak.
