Irakurriena
- 1. Javier Amezaga, MONDRAGONen Ekipamendu Dibisioko zuzendari nagusi berria
- 2. MONDRAGON eta Mondragon Unibertsitatea Méxicok berrikuntza eta talentuaren garapenerako lankidetza indartu dute Latinoamerikan
- 3. Valentziako kaltetuei laguntzeko kanpainak zabalik jarraitzen du Eroskin
- 4. Pello Rodriguez lehendakariarekin batzartu da Lehendakaritzan
- 5. MONDRAGONek Finantza Foroa egin du
- 6. Matricik likidazio-fasea irekitzeko eskatu du
- 7. “Ilusioz beteta nago, MONDRAGON proiektu liluragarria da”
- 8. MONDRAGONen 2025-2028 Politika Sozioenpresariala aztergai, TU Lankide aldizkariaren azken alean
- 9. Zorionak mende erdiko bideagatik!
- 10. “Trumpen garaipen batek eta haren atzerakada protekzionistak, Europari eragingo liokete”
Javier Oleaga, MONDRAGONeko lehendakariorde berria
MONDRAGONeko Batzordeko Iraunkorrak Javier Oleaga izendatu du gaur, abenduak 21, Korporazioko Osagaien Dibisioko lehendakariorde berria izateko. Dibisioko lehendakariorde lanetan datorren urtarrilaren 1ean hasiko da, karguan Jose Miguel Arregi ordeztuz, zeina, Korporazioko hainbat esparru eta kargutan ibilbide luze eta emankorra egin eta gero, erretiroaz disfrutatzera igaroko den. Javier azken urteetan Aretxabaletan (Gipuzkoa) dagoen Copreci kooperatibako zuzendari nagusia izan da; kooperatibak etxetresna elektrikoen osagaiak fabrikatzen ditu.
Javier Oleaga Oñatin jaio zen (Gipuzkoa), 1964an, eta goi mailako industri ingeniaria da Bilboko Ingeniari Eskolatik.
Bere ibilbide profesionala Copreciri lotuta egon da, eta hainbat kargutan jardun du kooperatiban eman dituen 26 urteetan. 1990ean hasi zen lanean, Kalitateko zuzendari karguan. Ondoren, 1995ean, Gas Egosketaren Negozioko zuzendari izendatu zuten, eta 2000. urtean kooperatibaren zuzendaritza nagusian sartu zen. Proiektuaren burutzan aritu den 16 urtean, Coprecik nazioartekotzeko prozesua finkatu du, Italian, Turkian eta Txinan filial produktiboak irekiz. Atxabaltar kooperatibak 2015ean 245 milioi euroko fakturazioa lortu zuen, 1.500 pertsona enplegatzen ditu, lantegi produktiboak ditu Espainia, Italia, Txekiar Errepublika, Turkia, Mexiko eta Txinan, eta mundu mailan lidergoa dauka etxetresna elektrikoen osagaien sektorean.
