Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Jatorrizko Herriak proiektua eta Munduko Loreak bideoklipa aurkeztuko ditu Arizmendi Ikastolak ekitaldi mundialean
![Card image cap](https://www.tulankide.com/eu/jatorrizko-herriak-proiektua-eta-munduko-loreak-bideoklipa-aurkeztuko-ditu-arizmendi-ikastolak-ekitaldi-mundialean/@@images/63456351-487d-40db-b558-52eab443a039.png)
Proiektuak izaera unibertsala izan du eta mexikoko, guatemalako, kataluniako zein galiziako haurrek parte hartu dute. Guztira, 120 neska mutiko aritu dira lanean, Arizmendi Ikastolaren metodologia berrian oinarrituta. Horren haritik, Basabeazpi guneko neska-mutiko guztiek parte hartu dute proiektu bakarrean.
Arrasateko SHOT! estudioan abestiaren grabazioan.
Jatorrizko Herriak proiektua arrakastatsua izan da bai garapenean zein amaieran, eta batez ere berritzailea izan da haurrei zuzendutakoa izan delako. Kontuak kontu, neska mutikoek inoiz amestuko ez luketen esperientziak bizitzeko aukera izan dute eta musika estudio profesionalean kantua grabatu ahal izan dute. Arrasateko SHOT! estudioan 30 neska mutiko elkartu ziren, hamarreko taldetan banatuta.
Arizmendi Ikastolaren Haur Hezkuntzaren proiektua.
Bideoklipa, ordea, amaiera besterik ez da izan. Proiektuaren helburu nagusia izan da ezagutzera ematea badirela munduan jatorrizko hizkuntza, identitate eta kulturak, eta hizkuntza minorizatu horien sustapen lanean Arizmendik Garabide elkartearen laguntza izan du. Berritzailea, izan da, baita ere, guneko gurasoek sekulako inplikazioa erakutsi dutelako eta inguruko zenbait zerbitzu enpresa ere elkarlanean aritu direlako; Danatek (soinu eta irudi tresneria lagatzen) eta Arteman Komunikazioa (ikus-entzunezkoaren ekoizpenean).
Numerazio mayan oinarritutako matematikak, txotxongiloak galegoz, Kaqchikele hizkuntzan hitzak…
Neska mutikoak, guztira 126, izan dira proiektuaren protagonista nagusiak, eta ikasi ahal izan dute badela matematika sistema maya bat, edo kaqchikele izeneko hizkuntza bat Guatemalan, eta nauath izenekoa Mexikon, katalanez kontuak eta kantuak ikasi dituzte, txotxongiloak galegoz… proiektu oso aberatsa eta interesgarria bilakatu delarik.