Irakurriena
- 1. LABORAL Kutxak 134 milioi euroko irabaziak lortu ditu 2024ko lehen seihilekoan
- 2. Felix Ormaetxea Uribetxebarria zendu da
- 3. MONDRAGONek inBiot startupean inbertitu du
- 4. MONDRAGONek bere urteroko Kongresua egin du Bilbon
- 5. “Abentura zirraragarria izan da”
- 6. HIREKIN industria jasangarriko zentro berritzailea inauguratu du Mondragon Unibertsitateak
- 7. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 8. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 9. “Definitu dugu zer ekarpen egin nahi diogun gizarte honi gure ikasleen bitartez”
- 10. Imanol Oleaga Mendiaratz, Domusa Teknikeko zuzendari nagusi berria
Izan zaitez boluntario FLL Euskadi-MONDRAGON torneoan
Mundu osoan zehar STEAM bokazioak eta heziketa zientifiko-teknologikoa bultzatuz jarraitzen du MONDRAGONek.
Gauzak horrela, First Lego League gaur egun 90 herrialdeetan zehar 500.000 gazte inguru batzen duen heziketa programa internazional bat da. Honen baitan antolatuko da FLL Euskadi-MONDRAGON torneoa Mondragon Unibertsitateko Goi Eskola Politeknikoko Iturripeko Campusean, 2024ko martxoaren 2an.
Ekitaldia MONDRAGON Korporazioak eta Mondragon Unibertsitateak STEAM heziketa bultzatzeko Innobasquerekin duten akordioaren baitan dago kokatua. Horrela, Euskal Herriko ikasleen artean gaitasun teknologiko eta zientifikoekiko interesa aktibatu nahi dugu, jakintza ildo berri bat irekiz.
Masterpiece erronka
FLL Euskadi-MONDRAGON torneoak edizio berri bat izango du 2024ko martxoaren 2an, eta ekitaldi hau arrakastaz aurrera eramateko, zure presentzia ezinbestekoa dugu. 2024ko edizioan partaideek MASTERPIECE erronkari aurre egin beharko diete. Denboraldi honetan talde partaideek besteekin partekatu nahi duten zaletasuna identifikatu beharko dute (musika, zinema, antzerkia…), teknologia modu sortzailean erabiliz.
Bi adin multzoetara egokitzen da FLL Euskadi MONDRAGON, bakoitzari kategoria bat esleituz; FLL Explore (6-9 urte) eta FLL Challenge (10-16 urte).
Gazte guzti hauei zuzendutako jai itzel bat antolatu nahi du beste behin FLL Euskadi-MONDRAGON-ek, eta horretarako talde, pertsona, ikastetxe, laguntzaile eta bestelako eragileen laguntza beharrezkoa dugu. Jardunaldiak behar duen bezala funtzionatzeko behar beharrezkoa da boluntarioen laguntza, eta zurea ere ongi etorria izango da. Horretarako, hemen izena eman ahal izango duzu, eta martxoak 2an Mondragon Unibertsitateko Iturripeko Campusean egingo den ekitaldian protagonista zuzena bilakatu.
Boluntario moduan, nola lagundu dezaket?
FLL Euskadi MONDRAGON-eko ekitaldian, ainbat boluntario eginkizun desberdinetan aritu zaitezke:
Arbitro: Roboten jolasa kontrolatuko dut.
Epaile: Taldeen lana baloratu eta sariak erabakiko ditut.
Floater: Lehiaketak irauten duen bitartean taldeei laguntza emango diet hitzordu ezberdinetara garaiz iristen direla eta egun osoan ondo pasatzen dutela bermatzeko.
Zientzialari: FLL Junior taldeen lana baloratu eta lorpenak zorionduko ditut.
Timekeeper & Scorekeeper: Mahai-jokoaren software-a eta partiden iraupena kontrolatuko ditut.
Eremuen arduradun (Field, PIT & Queue volunteer): Lehiaketaren eremuak kontrolatuko ditut taldeek prozesu osoaz gozatzen dutela bermatzeko.